Vadodara: વડોદરામાં અસલી પોલીસે નકલી પોલીસને દબોચ્યો, નાના વેપારીઓ પાસે ઉઘરાવતો હતો પૈસા

Vadodara: વડોદરાના મકરપુરા વિસ્તારમાં નકલી પોલીસ બની નેફરતો શખ્સ અસલી પોલીસના હાથે ઝડપાયો હોવાની ઘટના સામે આવી છે

(તસવીર- એબીપી લાઇવ)

Source : એબીપી અસ્મિતા

Vadodara: રાજ્યમાં વધુ એકવાર નકલી પોલીસકર્મીનો કિસ્સો સામે આવ્યો છે, વડોદરા શહેરમાં નકલી પોલીસ બનીને ફરતા એક શખ્સેને પોલીસે રંગેહાથે ઝડપી લેતા સમગ્ર ઘટનાનો ભાંડો ફૂટ્યો હતો. શહેરના મકરપુરા વિસ્તારમાં  નાના પરમાર નામનો શખ્સ જે વૉચમેન છે, તે નાના વેપારીઓ પાસેથી હપ્તારૂપે પૈસા ઉઘરાવતા પકડાઇ ગયો છે. મકરપુરા પોલીસે આ નકલી પોલીસને દબોચી લીધો છે. 

વડોદરાના મકરપુરા વિસ્તારમાં નકલી પોલીસ બની નેફરતો શખ્સ અસલી પોલીસના હાથે ઝડપાયો હોવાની ઘટના સામે આવી છે. હાલમાં પોલીસે આ આરોપી સામે ગુનો નોંધી કાર્યવાહી હાથ ધરી છે. ઘટનાની વિગતો એવી છે કે, વડોદરાના મકરપુરામાં પોલીસ જેવી કદકાઠી ધરાવતો શખ્સ, જેનું નામ નાના પરમાર છે અને વૉચમેનની નોકરી કરે છે. આ શખ્સે નકલી પોલીસ બનીને શહેરના મકરપુરામાં નાના વેપારીઓ પાસે પૈસાની ઊઘરાણી કરતો હતો. એક ડેપોની પાછળ પસ્તીના વેપારી પાસેથી તેને 200 રૂપિયા ઉઘરાવ્યા હતા અને વારંવાર હેરાન કરતાં વેપારીએ પોલીસમાં જાણ કરતી હતી, આ પછી મકરપુરા પોલીસની અસલી ટીમે આ નકલી પોલીસને દબોચી લીધો હતો. નાના પરમાર નામનો શખ્સ પોલીસ જેવી કદકાઠી ધરાવતો હતો જેથી વેપારીઓ પાસે પોલીસ બનીને રૌફ જમાવતો હતો. આ શખ્સે પોતે પોલીસ વિભાગ સાથે સંકળાયેલ હોવાનો ખોટો ભ્રમ પેદા કરી લોકોમાં રોફ જમાવવાનો પ્રયાસ કર્યો હતો. 

સુરતની હૉટલમાં હાઈપ્રૉફાઈલ સેક્સ રેકેટનો પર્દાફાશ, ચાર રૂપલલના સહિત એજન્ટ પકડાયા

સુરતના સરથાણામાં બાપા સીતારામ ચોક નજીક આવેલી એક હોટલમાં ચાલતા હાઈ પ્રોફાઈલ સેક્સરેકેટનો ક્રાઈમ બ્રાંચે પર્દાફાશ કર્યો છે. દરોડાની કાર્યવાહી દરમિયાન હૉટલમાંથી 2 થાઇલેન્ડ, 1 યુગાન્ડા અને 1 મુંબઇની રૂપલલના સાથે રંગરેલિયા મનાવવા આવેલા 2 ગ્રાહકોની ધરપકડ કરી લીધી છે, અને રૂપલલનાઓને મુક્ત કરાવી છે, સાથે સાથે એક દલાલ અને મેનેજરની પણ ધરપકડ કરવામાં આવી છે. 

પોલીસને બાતમી મળી હતી તે પ્રમાણે, સરથાણાની હૉટલમાં હાઇફાઈ સેક્સરેકેટ ચાલી રહ્યું છે. આ માહિતીના આધારે પોલીસની ટીમે સાંજના સમયે હોટલમાં દરોડા પાડયા, જ્યાંથી રૂપલલનાઓ સાથે ગ્રાહક અને એજન્ટને દબોચી લીધા હતા. હોટલમાંથઈ 2 થાઇ, 1 યુગાન્ડા અને 1 મુંબઈની રૂપલલના મળી. હોટલમાં આવેલા બે ગ્રાહકો રાજ અશ્વિન ગાજીપરા અને શનિ લક્ષ્મણ ભોઇ પકડાયા હતા. રાજ સેલ્સમેન છે તો શનિ શાકભાજી વિક્રેતા છે. આ ઉપરાંત યુવતીઓ સપ્લાય કરતો લાલો ઉર્ફે ચિરાગ કિયાણી અને મેનેજર વિવેક કનુ પટેલ પણ પોલીસની ઝપટે ચઢી ગયા હતા. આ મામલે સરથાણા પોલીસમાં વિધિવત્ ગુનો નોંધાવી કાયદેસરની કાર્યવાહી હાથ ધરાઇ હતી. પોલીસે હોટલના તમામ રૂમોમાં પણ સર્ચ કરી રોકડા રૂપિયા ૫૦,૯૦૦, ૫ મોબાઈલ, નિરોધ સહિતનો મુદ્દામાલ જપ્ત કર્યો હતો.