દરિયામાંથી મરજીવાને મળ્યો પરમાણુ બોમ્બ, 1950માં થયો હતો ગુમ!

વૉશ્ગિટન: કેનેડાના એક મરજીવા દ્વારા સમુદ્ધમાંથી પરમાણું બોમ્બ શોધી કાઢવાનો દાવો કરવામાં આવી રહ્યો છે. એવું માનવામાં આવી રહ્યું છે કે 1950ના દશકમાં આ વિસ્તારમાં દુર્ઘટનાગ્રસ્ત થયેલા અમેરિકી બોમ્બવર્ષા બી 36માં લાગેલ આ પરમાણુ બોમ્બ છે. આ વિમાન બ્રિટિશ કોલંબિયાની પાસે એ વખતે દુર્ઘટનાગ્રસ્ત થયું હતું, જ્યારે ટેક્સાસના કાર્સવેલ એરફોર્સ બેસ જઈ રહ્યું હતું. આ વિમાનમાં માર્ક 4 પરમાણું બોમ્બ લાગેલો હતો. આ બોમ્બમાં લેડ, યૂરેનિયમ અને ટીએનટી ભરેલું હતું. પરંતુ તેમાં પ્લેટોનિયમ નહોતું. જેના લીધે તે પરમાણું વિસ્ફોટ કરવામાં સક્ષમ નહોતું. આ વિમાન ઉડાન ભર્યાના થોડા સમય પછી તેમાં આગ લાગી ગઈ હતી. તુરંત પાયલોટે વિમાનને ઑટો પાયલોટ મોડ પર રાખી પેરાશૂટ મારફતે છલાંગ લગાવીને કૂદી ગયો હતો. આ ઘટનામાં વિમાનમાં સવાર લગભગ 17માંથી પાંચ સભ્યોના મોત થયા હતા. અમેરિકી સેના પ્રમાણે ત્રણ વર્ષ પછી તેનો કાટમાળ હજારો કિલોમીટરના વિસ્તારમાં વિખરાયેલો મળી આવ્યો હતો.