China Covid: ઓક્સિજન ખતમ, લાશોના ઢગલા, ચીનનો આ વાયરલ વીડિયો ઉડાવી દેશે તમારી ઊંઘ
ચીનમાં એક દિવસમાં સાડા ત્રણ કરોડ કોરોના દર્દીઓ સામે આવ્યા છે. પરંતુ આગામી સમયમાં આનાથી પણ વધુ ગંભીર સ્થિતિ સર્જાશે તેવું જાણકારોનું કહેવું છે.
Coronavirus Update: કોરોના વાયરસની નવી લહેર ચીનમાં ફેલાઈ ગઈ છે. ત્યારે એવી આશંકા વ્યક્ત કરવામાં આવી રહી છે કે ડિસેમ્બરથી જાન્યુઆરી સુધી તેની લહેર અહીં ટોચ પર જશે. ચીનની હોસ્પિટલોની હાલત એવી થઈ ગઈ છે કે દર્દીઓ માટે દવાઓ, પથારી, લોહી અને ઓક્સિજનની ટાંકીની અછત છે.
એક દિવસમાં સાડા ત્રણ કરોડ કોરોના દર્દીઓ સંક્રમિત
ચીનમાં કોરોનાએ હાહાકાર મચાવ્યો છે. ગઈકાલે સમાચાર આવ્યા કે એક દિવસમાં સાડા ત્રણ કરોડ કોરોના દર્દીઓ સામે આવ્યા છે. પરંતુ આગામી સમયમાં આનાથી પણ વધુ ગંભીર સ્થિતિ સર્જાશે તેવું જાણકારોનું કહેવું છે. એવી પણ આશંકા છે કે તે ડિસેમ્બરના મધ્યથી જાન્યુઆરીના મધ્ય સુધી તેની ટોચ પર પહોંચી શકે છે. અહીંના દર્દીઓને દવાખાનામાં બેડ, દવા જેવી સુવિધાઓ પણ નથી મળી રહી.જેને પગલે રોગચાળાના નિષ્ણાત અને આરોગ્ય અર્થશાસ્ત્રના વિદ્વાન એરિક ફીગેલ-ડિંગે આ દાવો કર્યો છે. તેમના મતે આગામી 90 દિવસમાં ચીનના 60 ટકાથી વધુ અને વિશ્વની 10 ટકા વસ્તી કોરોનાથી પ્રભાવિત થશે.
Overflowing hospital morgues—Fever meds shortage, oxygen tanks EMPTY, 🏥 overwhelmed, blood shortage, death tolls soaring among elderly ==>lots of body bags—even at a top Beijing hospital too. Worsening #COVID19 yet to come. But still 0 official deaths.
— Eric Feigl-Ding (@DrEricDing) December 24, 2022
🧵pic.twitter.com/Zy7TtidU8U
હોસ્પિટલોમાં દવાઓ અને ઓક્સિજન ખતમ થઈ ગયા
એરિકે તાજેતરમાં ટ્વિટર પર એક વીડિયો પોસ્ટ કર્યો હતો. આ વીડિયો ચીનનો છે. વીડિયોમાં તમે જોઈ શકો છો કે ચીનમાં મૃત્યુઆંક વધ્યો છે. હોસ્પિટલમાં દવા, બેડ ઉપલબ્ધ નથી ઓક્સિજન પણ ખતમ થઈ ગયો છે. તેમણે કહ્યું કે આના કારણે મૃત્યુ દર વધી રહ્યો છે. તેમણે એમ પણ કહ્યું કે ચીનની રાજધાની બેઇજિંગની ટોચની હોસ્પિટલોમાં પણ બેડ, બ્લડ અને ઓક્સિજનની ટાંકીની અછત વર્તાઈ રહી છે.
મૃતદેહોના ઢગલા, મૃતદેહોને સાચવવા જગ્યા નથી
એરિકે વીડિયોને ટ્વિટ કરીને કહ્યું કે તે બેઇજિંગની એક મોટી હોસ્પિટલમાં છે. જ્યાં હજુ પણ પથારી અને ઓક્સિજનની અછત છે. એરિકે કહ્યું કે આઈસીયુમાં આવેલા એક દર્દીનું 15 મિનિટમાં જ મોત થઈ ગયું. આ સિવાય વીડિયોમાં મૃતદેહોનો ઢગલો દેખાય છે. સ્થિતિ એવી થઈ ગઈ છે કે મૃતદેહો રાખવા માટે કોઈ જગ્યા બચી નથી. વીડિયો દ્વારા એરિકે ચીન સરકાર દ્વારા જાહેર કરવામાં આવેલા કોરોના સંક્રમિતોના સત્તાવાર ડેટા પર પણ નિશાન સાધ્યું છે.
ભારતમાં કોરોનાની સ્થિતિ નિયંત્રણમાં છે
જણાવી દઈએ કે, હાલમાં ભારતમાં કોરોનાની સ્થિતિ નિયંત્રણમાં છે. જો કે કોવિડ દર્દીઓની સંખ્યા વધી રહી છે, પરંતુ તે વધારે નથી. પરંતુ કેન્દ્રએ રાજ્યોને ભવિષ્યના જોખમોથી બચવા માટે સાવચેતીના પગલા તરીકે તૈયાર રહેવાનો નિર્દેશ આપ્યો છે.
ટોપ સ્ટોરી
ટ્રેન્ડિંગ સમાચાર
