China: ચીનમાં ઇસ્લામ ધર્મની છેલ્લી મોટી મસ્જિદ તોડી પડાઇ, સેટેલાઇઝ ઇમેજમાં થયો ખુલાસો

China News: તાજેતરમાં જ ચીનની છેલ્લી મોટી મસ્જિદના ગુંબજ કે જેણે ઇસ્લામિક શૈલીના વિશેષતાઓને જાળવી રાખી હતી તેને તોડી પડાયુ છે

(તસવીર- એબીપી લાઇવ)

China News: ભારતના પાડોશી દેશ ચીનમાં હવે ઇસ્લામ ધર્મની મસ્જિદો પર ત્યાંની સરકાર એક્શન લઇ રહી છે. તાજેતરમાં જ ચીનની છેલ્લી મોટી મસ્જિદના ગુંબજ કે જેણે ઇસ્લામિક શૈલીના વિશેષતાઓને જાળવી રાખી હતી તેને તોડી પડાયુ છે. આ મસ્જિદના મિનારાઓમાં ધરમૂળથી ફેરફાર કરવામાં આવ્યા છે. ચીનમાં ઈસ્લામ પ્રથાને રોકવા માટે આ કાર્યવાહી કરવામાં આવી છે. શાદિયનની ગ્રાન્ડ મસ્જિદ ચીનની સૌથી મોટી અને ભવ્ય મસ્જિદોમાંની એક છે. તે દક્ષિણપશ્ચિમ યુનાન પ્રાંત પર સ્થિત છે.

ગયા વર્ષ સુધી હતો અહીં ગુંબજ 
ગયા વર્ષ સુધી 21,000-ચોરસ-મીટર સંકુલમાં એક મોટી ઇમારતનો સમાવેશ થતો હતો, જેની ટોચ પર અર્ધચંદ્રાકાર ચંદ્ર સાથે ટાઇલવાળા લીલા ગુંબજ હતા. બંને બાજુ ચાર નાના ગુંબજ અને ઊંચા મિનારા હતા. 2022ના સેટેલાઇટ ફોટોમાં જોવા મળ્યું હતું કે મસ્જિદનો પ્રવેશ દ્વાર કાળી ટાઇલ્સથી બનેલો હતો.

નવી તસવીરોમાં બદલાઇ મસ્જિદ 
આ વર્ષે ફોટોગ્રાફ્સ, સેટેલાઇટ ઇમેજ અને સાક્ષીઓ દર્શાવે છે કે ચીને ગુંબજ હટાવી દીધો છે. તેની જગ્યાએ હાન ચાઈનીઝ સ્ટાઈલ પેગોડાની છત બનાવવામાં આવી છે. મિનારાઓને ટૂંકાવીને પેગોડા ટાવર્સમાં રૂપાંતરિત કરવામાં આવ્યા છે. મસ્જિદની બહારથી, છત પર અર્ધચંદ્રાકાર અને તારાઓની ટાઇલ્સની કેડી દેખાય છે. યુનાનની અન્ય ઐતિહાસિક મસ્જિદ નજિયાયિંગમાં પણ ફેરફારો કરવામાં આવ્યા છે. તે શાદિયનથી 100 માઈલથી પણ ઓછું છે.

ચીની કૉમ્યુનિસ્ટ પાર્ટીની સેન્ટ્રલ કમિટીએ 2018માં એક દસ્તાવેજ પ્રકાશિત કર્યો હતો. આમાં મસ્જિદોના નિયંત્રણ અને એકીકરણ વિશે જણાવવામાં આવ્યું હતું. જેમાં સરકારને બને તેટલી વધુ મસ્જિદો તોડીને ઓછી બાંધવા તાકીદ કરવામાં આવી હતી. આવી રચનાઓની કુલ સંખ્યા ઘટાડવાનો પણ પ્રયાસ કરો. આ સિવાય દસ્તાવેજમાં એવું પણ કહેવામાં આવ્યું હતું કે મસ્જિદોના નિર્માણ, લેઆઉટ અને ફાઇનાન્સિંગ પર નજર રાખવામાં આવે.