![ABP Premium](https://cdn.abplive.com/imagebank/Premium-ad-Icon.png)
China Viral Video : દરિયામાં ડૂબી રહેલા જહાજમાં ફસાયેલા લોકોનું દિલધડક રેસ્ક્યુ, જુઓ વિડીયો
China Viral Video : ચાબા વાવાઝોડામાં ફસાયા બાદ આ જહાજ શનિવારે હોંગકોંગના દરિયાકાંઠે બે ભાગમાં તૂટવાનું શરૂ થયું હતું.
![China Viral Video : દરિયામાં ડૂબી રહેલા જહાજમાં ફસાયેલા લોકોનું દિલધડક રેસ્ક્યુ, જુઓ વિડીયો China Viral Video rescue of people trapped in a ship that sank during Typhoon Chaba in the South China Sea, watch the video China Viral Video : દરિયામાં ડૂબી રહેલા જહાજમાં ફસાયેલા લોકોનું દિલધડક રેસ્ક્યુ, જુઓ વિડીયો](https://feeds.abplive.com/onecms/images/uploaded-images/2022/07/04/feb99a5b317d1b57d4019ddcc95050721656950631_original.jpg?impolicy=abp_cdn&imwidth=1200&height=675)
Viral Video : સોશિયલ મીડિયા પર એક વિડિયો વાયરલ થઈ રહ્યો છે, જેમાં દક્ષિણ ચીન સાગરમાં ચાબા વાવાઝોડા દરમિયાન ઝડપથી ડૂબતા જહાજમાંથી ઘણા લોકોનું રેસ્ક્યુ કરવામાં આવ્યું છે. આ ઉષ્ણકટિબંધીય વાવાઝોડામાં ફસાયા પછી, જહાજ શનિવારે હોંગકોંગના દરિયાકાંઠે બે ભાગમાં તૂટવાનું શરૂ થયું હતું. વિડિયો દેખાય છે કે જહાજ દરિયાના પાણીમાં ડૂબતા પહેલા કેવી રીતે ક્રૂ મેમ્બરમાંથી એકને સુરક્ષિત રીતે બહાર કાઢવામાં આવે છે. તેને હોંગકોંગની સરકારી ફ્લાઈંગ સર્વિસ દ્વારા ઈન્સ્ટાગ્રામ પર શેર કરવામાં આવ્યું છે. જુઓ આ વિડીયો -
27 લોકોની કોઈ ભાળ નથી
રેસ્ક્યુ ટીમે હેલિકોપ્ટરની મદદથી જહાજમાંથી ત્રણ લોકોને સુરક્ષિત બહાર કાઢ્યા હતા. સરકારી નિવેદન અનુસાર, બચાવી લેવામાં આવેલા ત્રણેય લોકોએ કહ્યું કે પ્રથમ હેલિકોપ્ટર આવે તે પહેલા અન્ય ક્રૂ મેમ્બર્સ દરિયાના પાણીમાં તણાઈ ગયા. જહાજમાં 30 લોકો સવાર હતા અને 27 અન્ય લોકો વિશે કશું જ જાણવા મળ્યું નથી.
જહાજના બે ટુકડા થઇ ગયા
હોંગકોંગ ગવર્નમેન્ટ ફ્લાઈંગ સર્વિસના જણાવ્યા અનુસાર, ઘટના સમયે એન્જિનિયરિંગ જહાજ હોંગકોંગથી 160 નોટિકલ માઈલ દક્ષિણ-પશ્ચિમમાં હતું. એજન્સીએ વધુમાં જણાવ્યું હતું કે તેને "નોંધપાત્ર નુકસાન થયું હતું અને જહાજના બે ટુકડા થઈ ગયા હતા. અને 30 સભ્યોના ક્રૂએ જહાજ છોડી દીધું હતું.”
હોંગકોંગની સરકારી ફ્લાઈંગ સર્વિસે તરત જ બે ફિક્સ-વિંગ એરક્રાફ્ટ અને ચાર હેલિકોપ્ટર સ્થળ પર મોકલ્યા. ચીની અધિકારીઓએ બચાવ બોટ પણ મોકલી હતી.
નબળું પડ્યું ચાબા વાવઝોડું
દરમિયાન, આ વાવાઝોડું નબળું પડ્યું છે પરંતુ તેના કારણે ચીનના મધ્ય અને પૂર્વીય ભાગોમાં આગામી થોડા દિવસોમાં ભારે વરસાદની સંભાવના છે કારણ કે તે ઉત્તર તરફ આગળ વધી રહ્યું છે.ચીનના સેન્ટ્રલ મીટીરોલોજીકલ ઓબ્ઝર્વેટરીએ રવિવારે મોડી રાત્રે ચાબા પર તેની ટાયફૂન બ્લુ ચેતવણી ઉઠાવી લીધી હતી, પરંતુ અઠવાડિયાના ચીનના વર્ષનું પ્રથમ વાવાઝોડું દક્ષિણ પ્રાંતોમાં ભારે વરસાદ અને ભારે પવન લાવ્યું હતું. નોંધપાત્ર વાત એ છે કે આ વિસ્તારોમાં પહેલાથી જ મુશળધાર વરસાદને કારણે ઘણી જગ્યાએ પાણી ભરાઈ ગયા છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)