G20 Summit: નાઇજીરિયા બાદ જી-20 સમિટ માટે બ્રાઝિલ પહોંચ્યા PM મોદી, કરાયું ભવ્ય સ્વાગત

નાઈજીરિયાની પ્રથમ મુલાકાત પૂર્ણ કર્યા બાદ વડાપ્રધાન નરેન્દ્ર મોદી જી-20 સમિટમાં ભાગ લેવા માટે બ્રાઝિલ પહોંચ્યા હતા

ફોટોઃ X

Source : ફોટોઃ X

રવિવારે નાઈજીરિયાની પ્રથમ મુલાકાત પૂર્ણ કર્યા બાદ વડાપ્રધાન નરેન્દ્ર મોદી જી-20 સમિટમાં ભાગ લેવા માટે બ્રાઝિલ પહોંચ્યા હતા. અહીં પહોંચ્યા બાદ પીએમ મોદીએ સોશિયલ મીડિયા પ્લેટફોર્મ X પર લખ્યું કે તેઓ G20 સમિટમાં ભાગ લેવા માટે બ્રાઝિલના રિયો ડી જાનેરો પહોંચ્યા હતા. હું સમિટમાં ચર્ચા વિચારણા અને વિશ્વના વિવિધ નેતાઓ સાથે સાર્થક વાતચીત કરવા માટે ઉત્સુક છું.

#WATCH | Prime Minister Narendra Modi lands in Rio de Janeiro, Brazil.

During the second leg of his three-nation tour, PM Modi will attend the 19th G20 Leaders’ Summit in Brazil, scheduled on November 18 and November 19.

(Video source - ANI/DD News) pic.twitter.com/5it1R8cpXP

— ANI (@ANI) November 18, 2024

વાસ્તવમાં વડાપ્રધાન નરેન્દ્ર મોદી તેમના ત્રણ દેશોના પ્રવાસના બીજા તબક્કામાં સોમવારે બ્રાઝિલ પહોંચ્યા હતા, જે દરમિયાન તેઓ G20 સમિટમાં ભાગ લેશે. PM મોદીના બ્રાઝિલ પહોંચવાની જાણકારી આપતા વિદેશ મંત્રાલય (MEA) એ X પર એક પોસ્ટમાં જણાવ્યું હતું કે, PM નરેન્દ્ર મોદી G20 બ્રાઝિલ સમિટમાં ભાગ લેવા માટે બ્રાઝિલના શહેર રિયો ડી જાનેરો પહોંચ્યા હતા. જેમાં એરપોર્ટ પર પીએમ મોદીના સ્વાગતની તસવીરો પણ શેર કરવામાં આવી હતી.

Prime Minister Narendra Modi tweets, " Landed in Rio de Janeiro, Brazil to take part in the G20 Summit. I look forward to the Summit deliberations and fruitful talks with various world leaders"

(Pic source - PM Modi's twitter handle) pic.twitter.com/MLeCPigOkx

— ANI (@ANI) November 18, 2024

PM મોદી G20 સમિટમાં ભાગ લેશે

પીએમ મોદી બ્રાઝિલમાં 19મી જી-20 સમિટમાં ટ્રોઇકાના સભ્ય તરીકે ભાગ લેશે. ભારત બ્રાઝિલ અને દક્ષિણ આફ્રિકાની સાથે G20 ટ્રોઇકાનો ભાગ છે. પીએમ મોદીની સાથે ચીનના રાષ્ટ્રપતિ શી જિનપિંગ અને અમેરિકાના રાષ્ટ્રપતિ જો બાઇડન સાથે આજે અને આવતીકાલે (18-19 નવેમ્બર) રિયો ડી જાનેરો સમિટમાં ભાગ લેનારા નેતાઓમાં સામેલ થશે.

તેમની મુલાકાતના ત્રીજા અને અંતિમ તબક્કામાં પીએમ મોદી રાષ્ટ્રપતિ મોહમ્મદ ઈરફાન અલીના આમંત્રણ પર 19 થી 21 નવેમ્બર સુધી ગુયાના જશે. 50થી વધુ વર્ષોમાં કોઈ ભારતીય વડાપ્રધાનની ગુયાનાની આ પ્રથમ મુલાકાત હશે.