India Attacks Pakistan: ભારતની જવાબી કાર્યવાહીથી ગભરાયું પાકિસ્તાન, ચીન-ઇરાન અને કતાર પાસે માંગી મદદ
India Attacks Pakistan: સૂચના મંત્રી અત્તા તારારે દાવો કર્યો હતો કે બુધવારથી ગુરુવાર સાંજ સુધીમાં ઓછામાં ઓછા 29 ડ્રોનને અટકાવવામાં આવ્યા હતા
India Attacks Pakistan: પાકિસ્તાનના સંરક્ષણ પ્રધાન ખ્વાજા આસિફે શુક્રવારે જણાવ્યું હતું કે સરકાર ક્ષેત્રમાં તણાવ ઓછો કરવા માટે ઈરાન, યુએઈ, સાઉદી અરેબિયા, ચીન અને કતાર સહિત અન્ય દેશો સાથે કૂટનીતિ સંપર્ક જાળવી રાખ્યો છે. સાઉદી અરેબિયાના નાયબ વિદેશ પ્રધાન અદેલ અલજુબૈર ભારત મુલાકાત બાદ ઇસ્લામાબાદ પહોંચ્યા ત્યારે તેમણે આ ટિપ્પણી કરી હતી.
ભારતીય ડ્રોન હુમલા અંગે પાકિસ્તાનના સંરક્ષણ પ્રધાને શું કહ્યું?
પીટીઆઇના અહેવાલ અનુસાર, નેશનલ અસેમ્બલીને સંબોધતા આસિફે એવો પણ દાવો કર્યો હતો કે તાજેતરના ભારતીય ડ્રોન હુમલાઓ જાસૂસી હેતુ માટે હતા. ભારતીય ડ્રોનને સુરક્ષિત વિસ્તારોમાં પ્રવેશવાની મંજૂરી આપવામાં આવી હતી જેથી સંવેદનશીલ સ્થળો સાથે સમાધાન કર્યા વિના તેમને અટકાવી શકાય અને નિષ્ક્રિય કરી શકાય.
સૂચના મંત્રી અત્તા તારારે દાવો કર્યો હતો કે બુધવારથી ગુરુવાર સાંજ સુધીમાં ઓછામાં ઓછા 29 ડ્રોનને અટકાવવામાં આવ્યા હતા અને શુક્રવાર સુધીમાં વધારાના 48 ડ્રોનને તોડી પાડવામાં આવ્યા હતા.
IMFએ પાકિસ્તાનને આપી લોન
આંતરરાષ્ટ્રીય નાણાકીય ભંડોળ (IMF) એ પાકિસ્તાનને 1 અબજ ડોલરના બેલઆઉટ પેકેજની જાહેરાત કરી છે. પાકિસ્તાનના વડા પ્રધાન શાહબાઝ શરીફના કાર્યાલય (PMO) દ્વારા આ જાહેરાત કરવામાં આવી હતી. શાહબાઝ શરીફના કાર્યાલયે જણાવ્યું હતું કે શુક્રવારે (9 મે, 2025), IMF એ હાલની વિસ્તૃત ભંડોળ સુવિધા હેઠળ પાકિસ્તાનને લગભગ 1 બિલિયન ડોલરની તાત્કાલિક રકમ મંજૂર કરી છે.
પાકિસ્તાનના પીએમઓ દ્વારા જાહેર કરાયેલા એક નિવેદન અનુસાર, "વડાપ્રધાન શાહબાઝ શરીફે IMF દ્વારા પાકિસ્તાન માટે 1 બિલિયન ડોલરની લોનને મંજૂરી આપવા અને ભારત દ્વારા તેની વિરુદ્ધ મનમાનીથી કાર્યવાહી કરવામાં નિષ્ફળતા પર સંતોષ વ્યક્ત કર્યો છે. નિવેદનમાં કહેવામાં આવ્યું છે કે પાકિસ્તાનની આર્થિક સ્થિતિમાં સુધારો થયો છે અને દેશ વિકાસ તરફ આગળ વધી રહ્યો છે."
ભારતે ઉગ્ર વિરોધ વ્યક્ત કર્યો
શુક્રવારે ભારતે પાકિસ્તાનને 2.3 અબજ ડોલરની નવી લોન આપવાના IMFના પ્રસ્તાવનો વિરોધ કર્યો હતો અને કહ્યું હતું કે આ નાણાંનો દુરુપયોગ રાજ્ય પ્રાયોજિત સરહદ પાર આતંકવાદને નાણાં આપવા માટે થઈ શકે છે. આ સંદર્ભમાં યોજાયેલી આંતરરાષ્ટ્રીય નાણાકીય ભંડોળની મહત્વપૂર્ણ બેઠકમાં ભારત મતદાનથી દૂર રહ્યું હતું.
ટોપ સ્ટોરી
ટ્રેન્ડિંગ સમાચાર
