Tariff Order: ડોનાલ્ડ ટ્રમ્પના ટેરિફથી ભારતને મોટો ફાયદો! એપલ-સેમસંગ ઉત્પાદન વધારશે, જાણો એક્સ્પર્ટ શું કહે છે?
US President Donald Trump Tariff Order: અમેરિકાના રાષ્ટ્રપતિ ડોનાલ્ડ ટ્રમ્પના ટેરિફથી વિશ્વના ઘણા દેશોમાં ખળભળાટ મચી ગયો છે. સાથે જ આ નવી ટેરિફ પોલિસીથી ભારતને મોટો ફાયદો મળી શકે છે.
Donald Trump Tariff: અમેરિકી રાષ્ટ્રપતિ ડોનાલ્ડ ટ્રમ્પ દ્વારા નવી ટેરિફ પોલિસી લાગુ કર્યા બાદ તેની અસર વિશ્વના ઘણા દેશો પર જોવા મળી રહી છે. શેરબજારમાં ઘટાડાથી લોકોને ભારે નુકસાન થઈ રહ્યું હોય તેવું લાગી રહ્યું છે. પરંતુ આ ટેરિફ ભારતના મોબાઈલ સેક્ટર માટે ઘણો ફાયદો કરી શકે છે. ભારત આ તકનો લાભ ઉઠાવી શકે છે.
યુએસ ટેરિફથી ભારતને ફાયદો થાય છે
એક તરફ ડોનાલ્ડ ટ્રમ્પ દ્વારા લાદવામાં આવેલા ટેરિફને કારણે ખુદ અમેરિકી શેરબજારમાં ત્રણ દિવસથી જોરદાર ઘટાડો જોવા મળ્યો છે., ભારત જેવા કેટલાક દેશોને આ ટેરિફનો લાભ મળી શકે છે. હિન્દુસ્તાન ટાઈમ્સે નિષ્ણાતોના હવાલાથી જણાવ્યું છે કે આગામી સમયમાં iPhoneની કિંમતમાં વધારો થવા જઈ રહ્યો છે. જો કે, ભારત માટે આવું થશે નહીં.
HTના રિપોર્ટ અનુસાર, સેમસંગ અને એપલ જેવી બ્રાન્ડ ઉત્પાદન માટે ચીન પર ઘણો આધાર રાખે છે. પરંતુ ડોનાલ્ડ ટ્રમ્પના આ ટેરિફને કારણે આ બ્રાન્ડ્સ ભારતમાં પણ પોતાનું ઉત્પાદન વધારી શકે છે. આનાથી મેડ ઈન ઈન્ડિયા ઉત્પાદનોનું ઉત્પાદન વધશે અને તે ભારત માટે કોસ્ટ ઇફેક્ટિવ પણ સાબિત થશે.
ભારતમાં એપલનું ઉત્પાદન વધશે!
અમેરિકા દ્વારા ચીન પર 54 ટકા ટેરિફ લાદવાની ચર્ચા ચાલી રહી છે. જો અમેરિકા આમ કરે છે, તો યુએસમાં iPhoneની કિંમતમાં નોંધપાત્ર વધારો થઈ શકે છે, કારણ કે એપલ ઘણા સમયથી મોબાઈલ ફોનના ઉત્પાદન માટે ચીન પર નિર્ભર છે અને અહીંથી એપલ ફોનની વિશ્વના ઘણા દેશોમાં નિકાસ કરવામાં આવે છે. પરંતુ હવે એપલ ધીમે ધીમે તેનું કામ ચીનથી ભારતમાં શિફ્ટ કરી રહી છે. જો આપણે જોઈએ તો ભારતમાં આઈફોનની નિકાસની માંગ આવનારા સમયમાં નોંધપાત્ર રીતે વધી શકે છે, જેના કારણે મેડ ઈન ઈન્ડિયા આઈફોન વિશ્વના ઘણા દેશોમાં નિકાસ કરી શકાય છે.
ટોપ સ્ટોરી
ટ્રેન્ડિંગ સમાચાર
