Iran Israel War: ઈરાને ક્લસ્ટર મિસાઈલોથી ઈઝરાયલ પર કર્યો હુમલો, તેહરાને પાવર અને પાણીના પ્લાન્ટ પર હુમલાની આપી ચેતવણી
ઈરાન અને ઈઝરાયલ વચ્ચે ચાલી રહેલ યુદ્ધ વધુને વધુ ખતરનાક બની રહ્યું છે. સોમવારે મધ્યરાત્રિ પછી ઈઝરાયલ, જેરુસલેમ અને વેસ્ટ બેન્ક પર ઈરાને ક્લસ્ટર મિસાઈલોથી હુમલો કર્યો હતો
ઈરાન અને ઈઝરાયલ વચ્ચે ચાલી રહેલ યુદ્ધ વધુને વધુ ખતરનાક બની રહ્યું છે. સોમવારે મધ્યરાત્રિ પછી ઈઝરાયલ, જેરુસલેમ અને વેસ્ટ બેન્ક પર ઈરાને ક્લસ્ટર મિસાઈલોથી હુમલો કર્યો હતો. મિસાઈલ હુમલાઓ બાદ ઘણા વિસ્તારોમાં હવાઈ હુમલાના સાયરન વાગ્યા અને લોકોને સ્થળાંતર કરવા માટે ચેતવણીઓ જાહેર કરવામાં આવી હતી.
Residential buildings lie in ruins in Arad after Iranian missile strikes wounded scores of people, 10 of them seriously, in the southern Israeli town. The nearby town of Dimona was also hit in Saturday's attack. Israel launched strikes on Tehran Sunday in response. pic.twitter.com/QcvbPGY7Ey
— AFP News Agency (@AFP) March 22, 2026
રોઈટર્સના અહેવાલ મુજબ, ઈરાને ક્લસ્ટર વોરહેડ્સવાળી મિસાઈલોનો ઉપયોગ કર્યો, જે હવામાં અસંખ્ય નાના બોમ્બમાં વિસ્ફોટ કરે છે, જેના કારણે મોટા વિસ્તારમાં વિનાશ સર્જાયો છે. રવિવાર સવારથી જ સમગ્ર ઈઝરાયલમાં હવાઈ હુમલાના સાયરન વાગી રહ્યા છે. આ હુમલો ડિમોના અને અરાદ પર અગાઉના હુમલાઓ બાદ ઈઝરાયલ દ્વારા તેહરાન પર કરવામાં આવેલા બોમ્બમારાનો જવાબ હોવાનું માનવામાં આવે છે. ક્લસ્ટર મિસાઈલોનો ઉપયોગ રહેણાંક વિસ્તારો માટે અત્યંત ઘાતક છે. જેરુસલેમ અને વેસ્ટ બેન્કના લાખો નાગરિકોને હાલમાં બંકરોમાં આશ્રય લેવાની ફરજ પડી છે.
અગાઉ, ઈરાને ચેતવણી આપી હતી કે જો અમેરિકાના રાષ્ટ્રપતિ ડોનાલ્ડ ટ્રમ્પ 48 કલાકની અંદર ઈરાનના પાવર સિસ્ટમ પર હુમલો કરશે તો ઈરાન ગલ્ફ દેશોમાં ઉર્જા અને પાણીના પ્લાન્ટોને નિશાન બનાવશે. આનાથી ભય પેદા થયો છે કે યુદ્ધ હવે લશ્કરી થાણાઓથી આગળ વધીને નાગરિક માળખા સુધી પહોંચી શકે છે.
શનિવારે રાત્રે ઇઝરાયલી શહેરો અરાદ અને ડિમોના પર મિસાઇલ હુમલામાં અનેક લોકો ઘાયલ થયા હતા. ઇઝરાયલી સેનાએ વળતો જવાબ આપ્યો હતો. તેહરાનમાં લક્ષ્યો પર હુમલાની ચર્ચા થઈ રહી છે. સતત હુમલાઓ અને વળતા હુમલાઓને કારણે મધ્ય પૂર્વમાં પરિસ્થિતિ વધુને વધુ ગંભીર બની રહી છે. નિષ્ણાતોનું માનવું છે કે જો ઉર્જા અને પાણી જેવા નાગરિક માળખા પર હુમલા શરૂ થાય છે તો તેની અસર યુદ્ધ સુધી મર્યાદિત રહેશે નહીં પરંતુ વૈશ્વિક બજારો, તેલના ભાવ અને લાખો લોકોના જીવન પર અસર કરી શકે છે. નિષ્ણાતો માને છે કે સોમવારે સવારે જ્યારે વૈશ્વિક બજારો ખુલશે ત્યારે તેલના ભાવ અને શેરબજારોમાં તીવ્ર ઘટાડો અથવા અસ્થિરતા જોવા મળી શકે છે.
ટોપ સ્ટોરી
ટ્રેન્ડિંગ સમાચાર
