Israel Hamas War: ઇઝરાયેલ-હમાસ યુદ્ધના 30 દિવસ, ગાઝા પટ્ટીમા 10 હજારથી વધુના મોત, હમાસને તહસ નહસ કર્યા વગર નહીં રોકાય ઇઝરાયેલની સેના

Israel Palestine Attack: ઈઝરાયેલની સેનાએ શનિવારે 29માં દિવસે હમાસના વડા ઈસ્માઈલ હાનિયાના ઘર પર મિસાઈલ હુમલો કર્યો હતો.

ફાઈલ તસવીર

Source : AP

Israel Hamas war Update In 10 Points: 7 ઓક્ટોબરે ઈઝરાયેલમાં પ્રવેશ કરીને પેલેસ્ટિનિયન ઉગ્રવાદી સંગઠન હમાસ દ્વારા કરાયેલા હુમલાને 30 દિવસ વીતી ગયા છે. હુમલાના દિવસથી, ઇઝરાયેલી સૈન્ય દળો ગાઝા પટ્ટીમાં પ્રવેશી રહ્યા છે અને હમાસના સ્થાનોને નષ્ટ કરી રહ્યા છે. 10 પોઈન્ટ્સમાં જાણો અત્યાર સુધીના સૌથી મોટા અપડેટ્સ.....

• બંને તરફથી થયેલા હુમલામાં ઈઝરાયેલમાં અત્યાર સુધીમાં 1400 લોકોના મોત થયા છે, જ્યારે 239 લોકોને બંધક બનાવવામાં આવ્યા છે. ઈઝરાયેલની સેના ગાઝી સ્ટ્રીપમાં ઘૂસી ગઈ છે અને હમાસની જગ્યાઓ પર હુમલો કરી રહી છે. જેમાં લગભગ 24 ઈઝરાયેલ સૈનિકો માર્યા ગયા હોવાનો દાવો કરવામાં આવી રહ્યો છે.
• બીજી તરફ ગાઝા પટ્ટીમાં પણ 10 હજારથી વધુ લોકો માર્યા ગયા હોવાના દાવા કરવામાં આવી રહ્યા છે. ગાઝા શહેર ચારે બાજુથી ઘેરાયેલું છે. બે દિવસમાં હમાસના 150થી વધુ આતંકવાદીઓ માર્યા ગયા છે. અમેરિકન ડ્રોન ટનલ નજીક બંધકોને શોધી રહ્યા છે. 
• ઈઝરાયેલની સેનાએ શનિવારે (4 નવેમ્બર) 29માં દિવસે હમાસના વડા ઈસ્માઈલ હાનિયાના ઘર પર મિસાઈલ હુમલો કર્યો. અલ-અક્સા રેડિયોએ શનિવારે અહેવાલ આપ્યો હતો કે ઇઝરાયેલના ડ્રોને ઇસ્માઇલ હાનિયાના ગાઝાના ઘર પર મિસાઇલ છોડી હતી. જો કે આ હુમલા વખતે તે પોતાના ઘરે હાજર નહોતો. તેમનો પરિવાર ત્યાં રહેતો હતો, પરંતુ હજુ સુધી એ જાણી શકાયું નથી કે હુમલા સમયે કોઈ સભ્ય ત્યાં હાજર હતો કે નહીં. ઇઝરાયેલના સંરક્ષણ પ્રધાન યોવ ગાલાંટે શનિવારે જણાવ્યું હતું કે ઇઝરાયેલી દળો ગાઝા પટ્ટીમાં પેલેસ્ટિનિયન ઉગ્રવાદી જૂથ હમાસના વડા યાહ્યા સિનવારને "શોધશે અને ખતમ કરશે". તેણે કહ્યું, "અમે સિનવરને શોધી કાઢીશું અને તેને ખતમ કરીશું."

• શનિવારના રોજ ગાઝાના મગાઝી કેમ્પ પર ઇઝરાયલી બોમ્બ ધડાકામાં 51 પેલેસ્ટિનિયનો, જેમાં મોટાભાગની મહિલાઓ અને બાળકો માર્યા ગયા હતા.
• યુએસ સેક્રેટરી ઓફ સ્ટેટ એન્ટની બ્લિંકન શનિવારે જોર્ડનમાં આરબ વિદેશ મંત્રીઓને મળ્યા. તેમનો પ્રયાસ ઇઝરાયેલના નાગરિકોને હમાસના કબજામાંથી મુક્ત કરાવવાનો છે. આ સાથે ગાઝા પટ્ટીમાં હવાઈ હુમલા રોકવાના પ્રયાસો પણ કરવામાં આવી રહ્યા છે જેથી કરીને નાગરિકોને જીવ ન ગુમાવવો પડે.
• અગાઉ, યુએસ સ્ટેટ સેક્રેટરીએ ઇઝરાયેલના વડા પ્રધાન બેન્જામિન નેતન્યાહૂ સાથે વાત કરી હતી જેમણે ભાર મૂક્યો હતો કે જ્યાં સુધી હમાસ દ્વારા રાખવામાં આવેલા તમામ બંધકોને મુક્ત કરવામાં ન આવે ત્યાં સુધી કોઈ અસ્થાયી યુદ્ધવિરામ થઈ શકે નહીં.
• એવો દાવો કરવામાં આવી રહ્યો છે કે ગાઝા પટ્ટીમાં યુદ્ધવિરામના અભાવને લઈને અમેરિકી વિદેશ મંત્રી એન્ટની બ્લિંકનને આરબ વિદેશ મંત્રીઓ સાથેની તેમની બેઠકોમાં નારાજગીનો સામનો કરવો પડ્યો હતો. તેમને કહેવામાં આવ્યું હતું કે આરબ દેશોમાં ઈઝરાયેલ પ્રત્યે ગુસ્સો વધી રહ્યો છે.
• જો કે, યુએસ પ્રમુખ જો બાઇડેને કહ્યું કે ગાઝા પટ્ટીને રાહત આપવા માટે હુમલા રોકવાના પ્રયાસોમાં પ્રગતિ થઈ છે. તેમણે આ અંગે વિગતવાર કંઈપણ સ્પષ્ટ કર્યું નથી.
• યુએસ અધિકારીઓએ જણાવ્યું હતું કે તેઓએ ગાઝા પટ્ટીમાં ચાલી રહેલા સૈન્ય અભિયાનમાં નાગરિક જાનહાનિ ઘટાડવા માટે ઇઝરાયેલ માટે શ્રેણીબદ્ધ પગલાંની રૂપરેખા આપી છે, જેમાં હમાસના નેતાઓ અને તેમના લક્ષ્યોને નષ્ટ કરવા માટે આતંકવાદીઓના નાના જૂથોનો ઉપયોગ કરીને બોમ્બનો ઉપયોગ કરવાનો સમાવેશ થાય છે.
• હમાસની સશસ્ત્ર પાંખ કહે છે કે ઇઝરાયેલના હવાઈ હુમલાને કારણે 60 થી વધુ બંધકો ગુમ થયા છે. ઇઝ અલ-દિન અલ-કાસમ બ્રિગેડ્સના પ્રવક્તા અબુ ઉબૈદાએ પણ હમાસના ટેલિગ્રામ એકાઉન્ટ પર જણાવ્યું હતું કે ઇઝરાયેલી સૈન્ય દળો દ્વારા કરવામાં આવેલા હવાઈ હુમલાના પરિણામે, કાટમાળ હેઠળ 23 ઇઝરાયેલી બંધકોના મૃતદેહ ફસાયા હતા.

Thousands of protesters in the US capital call for a ceasefire in Gaza amid Israel's relentless bombing campaign, with some slamming President Joe Biden's support for Washington's top ally in the Middle East. https://t.co/6JDBN3QzqE pic.twitter.com/Hx1FAwHSOX

— AFP News Agency (@AFP) November 4, 2023