![ABP Premium](https://cdn.abplive.com/imagebank/Premium-ad-Icon.png)
Chinook Helicopters: અમેરિકામાં નહીં ઉડે ચિનૂક હોલિકોપ્ટર્સ, 400 ચોપર્સના ઉડાન ભરવા પર મૂક્યો પ્રતિબંધ, જાણો શું છે કારણ
Chinook Helicopters: યુએસ આર્મી મટિરિયલ કમાન્ડે એન્જિનમાં આગ લાગવાની ઘટનાને ધ્યાનમાં રાખીને ચિનૂક હેલિકોપ્ટરને કાફલામાંથી દૂર કરી દીધા છે.
![Chinook Helicopters: અમેરિકામાં નહીં ઉડે ચિનૂક હોલિકોપ્ટર્સ, 400 ચોપર્સના ઉડાન ભરવા પર મૂક્યો પ્રતિબંધ, જાણો શું છે કારણ Know why US Army grounded Chinook helicopters Chinook Helicopters: અમેરિકામાં નહીં ઉડે ચિનૂક હોલિકોપ્ટર્સ, 400 ચોપર્સના ઉડાન ભરવા પર મૂક્યો પ્રતિબંધ, જાણો શું છે કારણ](https://feeds.abplive.com/onecms/images/uploaded-images/2022/08/31/a452ab120e474064bed0d18ac82283d5166192785819276_original.jpg?impolicy=abp_cdn&imwidth=1200&height=675)
Chinook Helicopters: યુએસ આર્મીએ તેના ચિનૂક હેલિકોપ્ટરના સમગ્ર કાફલાને ગ્રાઉન્ડ કરી દીધું છે. ચિનૂક હેલિકોપ્ટરના એન્જિનમાં આગ લાગવાના ભયને કારણે યુએસ એરફોર્સે તેના સમગ્ર કાફલાને ઉડાન ભરવા પર પ્રતિબંધ મૂક્યો છે. વોલ સ્ટ્રીટ જર્નલના અહેવાલ મુજબ સાવધાનીને ધ્યાનમાં રાખીને આવું પગલું લેવામાં આવ્યું છે. છેલ્લા કેટલાક સમયથી એન્જિનમાં આગ લાગવાના બનાવો બન્યા છે. મીડિયા અહેવાલો અનુસાર, યુએસ આર્મીએ તેના ચિનૂક હેલિકોપ્ટરના સમગ્ર કાફલાને ગ્રાઉન્ડ કરી દીધા છે, જે 1960ના દાયકાથી યુદ્ધમાં કામ કરી રહ્યા છે.
ચિનૂક હેલિકોપ્ટરનો કાફલો કેમ ગ્રાઉન્ડ કરવામાં આવ્યો?
યુએસ આર્મી મટિરિયલ કમાન્ડે એન્જિનમાં આગ લાગવાની ઘટનાને ધ્યાનમાં રાખીને ચિનૂક હેલિકોપ્ટરને કાફલામાંથી દૂર કરી દીધા છે. અમેરિકી સૈન્ય અધિકારીઓના જણાવ્યા અનુસાર તાજેતરના દિવસોમાં 70 થી વધુ ચિનૂક હેલિકોપ્ટરના એન્જિનમાં આગ લાગવાની ઘટનાઓ બની છે. અધિકારીઓએ વોલ સ્ટ્રીટ જર્નલને જણાવ્યું કે અમેરિકી સૈન્ય હેલિકોપ્ટરમાં એન્જિનમાં આગ લાગવાની ઘટનાઓની સંખ્યાથી વાકેફ છે. જો કે, આ ઘટનાઓમાં કોઈ ઈજા કે મૃત્યુ થયું ન હતું.
યુએસ આર્મીના કાફલામાં 400 હેલિકોપ્ટર
અમેરિકન જર્નલે જણાવ્યું હતું કે હેવી-ડ્યુટી ચિનૂક હેલિકોપ્ટરનું ગ્રાઉન્ડિંગ યુએસ સૈનિકો માટે લોજિસ્ટિકલ પડકારો રજૂ કરી શકે છે. યુએસ આર્મીના કાફલામાં આવા 400 જેટલા હેલિકોપ્ટર છે. હેલિકોપ્ટરના એન્જિનમાં આગ લાગવાની ઘટનાઓ વચ્ચે ભારતની ચિંતા પણ વધી છે.
ભારત પાસે કેટલા ચિનૂક હેલિકોપ્ટર છે?
ભારત પાસે લગભગ 15 CH-47 ચિનૂક હેલિકોપ્ટર (CH-47 ચિનૂક હેલિકોપ્ટર) છે. છેલ્લા કેટલાક વર્ષોમાં, તે લદ્દાખ અને સિયાચીન ગ્લેશિયર્સ જેવા સ્થળોએ તૈનાત ભારતીય સેનાને મદદ કરવા માટે એરલિફ્ટ કામગીરી માટે મોટા સૈન્ય સાધનોમાં સામેલ છે. ભારતને ફેબ્રુઆરી 2019માં ચિનૂક હેલિકોપ્ટરની પ્રથમ બેચ મળી હતી. બોઇંગે 2020માં ભારતીય વાયુસેનાને 15 ચિનૂક હેલિકોપ્ટરની ડિલિવરી પૂરી કરી.
આ પણ વાંચોઃ
Surat : AAP નેતા મનોજ સોરઠીયા પર સુરતમાં હુમલા મામલે 8 સામે ફરિયાદ, ઇટાલિયાએ લોકોને શું કરી હાંકલ
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)