કોરોનાની વચ્ચે નવો જીવલેણ ‘માર્બર્ગ’ વાયરસ મળી આવ્યો, પશ્ચિમી આફ્રિકન દેશમાં પ્રથમ કેસ મળ્યો

ડબ્લ્યુએચઓ મુજબ, એકવાર મનુષ્યોને ચેપ લાગ્યા પછી, આ વાયરસ ચેપગ્રસ્ત સપાટીઓના સંપર્ક દ્વારા ફેલાય છે, જેમાં દર્દીના શરીરના પ્રવાહી અને અન્ય વસ્તુઓ શામેલ છે.

પ્રતિકાત્મક તસવીર

આફ્રિકન દેશ ગિનીએ માર્બર્ગ રોગના કેસની પુષ્ટિ કરી છે. વર્લ્ડ હેલ્થ ઓર્ગેનાઇઝેશન (WHO) એ સોમવારે આ માહિતી આપી. પશ્ચિમ આફ્રિકામાં આ જીવલેણ વાયરસનો આ પ્રથમ કેસ છે. આ વાયરસ વાસ્તવમાં ઇબોલા સાથે સંબંધિત છે અને કોવિડ -19 ની જેમ તે પ્રાણીઓથી મનુષ્યોમાં ફેલાય છે.

WHO અનુસાર, આ વાયરસ ચામાચીડિયામાં જોવા મળે છે. તે અત્યંત જીવલેણ છે અને 88 ટકા સુધી મૃત્યુદર ધરાવે છે. હકીકતમાં દક્ષિણ ગુકેદૌ પ્રાંતમાં 2 ઓગસ્ટના રોજ એક દર્દીનું મૃત્યુ થયું હતું. તેના નમૂનામાં આ વાયરસ મળી આવ્યો છે.

આ અત્યંત જીવલેણ વાયરસનો કિસ્સો ગિનીમાં સામે આવ્યો છે જ્યાં બે મહિના પહેલા ડબ્લ્યુએચઓએ ઇબોલા વાયરસની બીજી લહેરને સમાપ્ત કરવાની જાહેરાત કરી હતી. ગયા વર્ષે ગિનીમાં ઇબોલાની બીજી લહેર શરૂ થઈ હતી અને તે પછી 12 લોકોના મોત થયા હતા.

માર્બર્ગ વાયરસ શું છે અને કેટલો ખતરનાક છે?

માર્બર્ગ વાયરસ સામાન્ય રીતે ગુફાઓ અથવા ખાણો જેવા રોસેટસ ચામાચીડિયાના રહેઠાણ સાથે સંપર્ક સાથે સંકળાયેલ છે. ડબ્લ્યુએચઓ મુજબ, એકવાર મનુષ્યોને ચેપ લાગ્યા પછી, આ વાયરસ ચેપગ્રસ્ત સપાટીઓના સંપર્ક દ્વારા ફેલાય છે, જેમાં દર્દીના શરીરના પ્રવાહી અને અન્ય વસ્તુઓ શામેલ છે.

તે ગિનીમાં સામેલ આવેલ કેસ હાલના સિએરા લિયોન અને લાઇબેરિયાની સરહદની નજીક જંગલોથી ઘેરાયેલા ગામમાં નોંધાયો છે. વ્યક્તિમાં 25 જુલાઈથી ચેપના લક્ષણો દેખાવાના શરૂ થયા હતા. ત્યારબાદ તેને સ્થાનિક ક્લિનિકમાં મેલેરિયાની સારવાર આપવામાં આવી. જોકે તેમનું મોત થયું હતું.

આ પછી, પોસ્ટમોર્ટમ રિપોર્ટમાં તેનો ટેસ્ટ કરવામાં આવ્યો હતો. આમાં, ઇબોલા ચેપનો રિપોર્ટ નેગેટિવ આવ્યો હતો પરંતુ માર્બર્ગથી ચેપની પુષ્ટિ થઈ હતી. જો કે, આ મામલો સામે આવ્યા બાદ તપાસ શરૂ કરવામાં આવી છે જેથી જો અન્ય કોઇ કેસ આવે તો તેને જલદીથી ઓળખી શકાય.