Australia's New PM: Anthony Albanese બનશે ઓસ્ટ્રેલિયાના નવા વડાપ્રધાન, બે વખત આવી ચૂક્યા છે ભારત
2007 પછી લેબર પાર્ટીની આ પ્રથમ જીત છે. વડાપ્રધાન નરેન્દ્ર મોદીએ ઑસ્ટ્રેલિયાની લેબર પાર્ટીના નેતા એન્થની અલ્બાનીઝને સામાન્ય ચૂંટણીમાં તેમની જીત બદલ અભિનંદન પાઠવ્યા છે
Australia's New PM: લેબર પાર્ટીના નેતા એન્થની અલ્બાનીઝ (Anthony Albanese) ઓસ્ટ્રેલિયાના નવા વડાપ્રધાન બનશે. તેમની પાર્ટીએ અત્યાર સુધીમાં 72 સીટો જીતી છે અને બહુમતી મેળવવા માટે તેમને માત્ર વધુ ચાર બેઠકોની જરૂર છે. 2007 પછી લેબર પાર્ટીની આ પ્રથમ જીત છે. વડાપ્રધાન નરેન્દ્ર મોદીએ ઑસ્ટ્રેલિયાની લેબર પાર્ટીના નેતા એન્થની અલ્બાનીઝને સામાન્ય ચૂંટણીમાં તેમની જીત બદલ અભિનંદન પાઠવ્યા છે. પીએમ મોદીએ કહ્યું કે તેઓ એકંદર વ્યૂહાત્મક ભાગીદારીને વધુ મજબૂત કરવા અને ઈન્ડો-પેસિફિક ક્ષેત્રમાં સહિયારી પ્રાથમિકતાઓ પર તેમની સાથે કામ કરવા આતુર છે. ખાસ વાત એ છે કે અલ્બાનીઝ ભારતથી પરિચિત છે અને તેઓ અહીં આવી ચૂક્યા છે.
Congratulations @AlboMP for the victory of the Australian Labor Party, and your election as the Prime Minister! I look forward to working towards further strengthening our Comprehensive Strategic Partnership, and for shared priorities in the Indo-Pacific region.
— Narendra Modi (@narendramodi) May 21, 2022
અલ્બાનીઝ ભારતને જાણે છે
ભારતમાં ઓસ્ટ્રેલિયાના હાઈ કમિશનર બેરી ઓફરેલના જણાવ્યા અનુસાર, અલ્બાનીઝ ભારતથી અજાણ નથી. તેમણે 1991માં બેક-પેકર તરીકે ભારતનો પ્રવાસ કર્યો હતો. તેઓ 2018માં સંસદીય પક્ષનું નેતૃત્વ કરીને ભારત આવ્યા હતા. તેમના અભિયાનમાં પણ તેમણે મજબૂત ભારત-ઓસ્ટ્રેલિયા સંબંધો અને વ્યૂહાત્મક ભાગીદારી પર ભાર મૂક્યો હતો.
ક્વાડ સમિટમાં મોદી- અલ્બાનીઝ બેઠક યોજાશે
ટોક્યોમાં યોજાનારી ક્વાડ સમિટ દરમિયાન વડાપ્રધાન નરેન્દ્ર મોદી ઓસ્ટ્રેલિયાના નવા વડાપ્રધાન સાથે દ્વિપક્ષીય બેઠક કરશે. રસપ્રદ સંયોગ છે કે આ પહેલા પણ વડાપ્રધાન બનેલા સ્કોટ મોરિસન સાથે પીએમ મોદીની પહેલી મુલાકાત જાપાનમાં જ થઈ હતી. બંને નેતાઓ જૂન 2019માં જાપાનના ઓસાકામાં જી-20 સમિટ દરમિયાન મળ્યા હતા.
આ પહેલા ઓસ્ટ્રેલિયાના વડાપ્રધાન સ્કોટ મોરિસને અંતિમ ચૂંટણી પરિણામો જાહેર થાય તે પહેલા જ પોતાની હાર સ્વીકારી લીધી હતી. મોરિસને કહ્યું, "આજે રાત્રે મેં વિપક્ષના નેતા અને આગામી વડાપ્રધાન એન્થની અલ્બાનીઝ સાથે વાતચીત કરી હતી અને ચૂંટણીમાં જીત બદલ અભિનંદન પાઠવ્યા હતા.
ટોપ સ્ટોરી
ટ્રેન્ડિંગ સમાચાર
