Operation Sindoor: આતંકનો અડ્ડો પાકિસ્તાન હવે દુનિયાને પીરસશે જૂઠ, ભારતની કરી નકલ કરી બનાવ્યું ડેલિગેશન

Operation Sindoor:પોતાની વૈશ્વિક રાજદ્વારી સ્થિતિને મજબૂત બનાવવા માટે, પાકિસ્તાને ભૂતપૂર્વ વિદેશ પ્રધાન બિલાવલ ભુટ્ટોના નેતૃત્વમાં એક સમિતિની રચના કરી છે, જે વિશ્વ સમક્ષ પોતાના વિચારો રજૂ કરશે. પાકિસ્તાને ભારતની પહેલની નકલ કરી છે.

પાકિસ્તાન દુનિયાને પીરસસે જૂઠ

Source : ભારતની નકલ કરીને શાહબાઝ શરીફે પ્રતિનિધિમંડળ બનાવ્યું

Global Peace Mission: ઓપરેશન સિંદૂરની સફળતા પછી, ભારત હવે વૈશ્વિક મંચ પર પાકિસ્તાનને ખુલ્લું પાડવાની તૈયારી કરી રહ્યું છે. સરકારે તમામ પક્ષોના 40 સાંસદોની એક ટીમ બનાવી છે, જેને 7 પ્રતિનિધિમંડળોમાં વહેંચવામાં આવી છે. આ સાંસદો દુનિયાને જણાવશે કે પાકિસ્તાન આતંકવાદને કેવી રીતે પ્રોત્સાહન આપે છે. હવે પાકિસ્તાને પણ ભારતની પહેલની નકલ કરી છે.

 હકીકતમાં, તેની વૈશ્વિક રાજદ્વારીતાને મજબૂત બનાવવા માટે, તેણે પાકિસ્તાન પીપલ્સ પાર્ટી (પીપીપી) ના પ્રમુખ અને ભૂતપૂર્વ વિદેશ પ્રધાન બિલાવલ ભુટ્ટો-ઝરદારીની પસંદગી કરી છે. શનિવારે (17 મે 2025) ના રોજ, પાકિસ્તાનના વડા પ્રધાન શાહબાઝ શરીફે બિલાવલને આંતરરાષ્ટ્રીય મંચો પર પાકિસ્તાનનું પ્રતિનિધિત્વ કરવા માટે ઉચ્ચ સ્તરીય પ્રતિનિધિમંડળનું નેતૃત્વ કરવાની જવાબદારી સોંપી.

પાકિસ્તાને બિલાવલ ભુટ્ટોના નેતૃત્વમાં એક સમિતિની રચના કરી

પાકિસ્તાને બિલાવલની અધ્યક્ષતામાં એક સમિતિની પણ રચના કરી છે, જેમાં ભૂતપૂર્વ પ્રધાનો ખુર્રમ દસ્તગીર ખાન, હિના રબ્બાની ખાર અને ભૂતપૂર્વ વિદેશ સચિવ જલીલ અબ્બાસ જિલાનીનો સમાવેશ થાય છે. બિલાવલે એક્સ પર લખ્યુ કે,"વડાપ્રધાન શાહબાઝ શરીફે મને આંતરરાષ્ટ્રીય મંચ પર શાંતિ માટે પાકિસ્તાનના કેસનું પ્રતિનિધિત્વ કરવા માટે એક પ્રતિનિધિમંડળનું નેતૃત્વ કરવા કહ્યું. આ જવાબદારી સોંપી જે સન્માન આપ્યું તે બદલ હું આભારી છું."

આ સાંસદો ભારતનું પ્રતિનિધિત્વ કરશે

શનિવારે, ભારત સરકારે સંસદીય બાબતોના મંત્રાલય દ્વારા માહિતી આપી હતી કે, કોંગ્રેસના સાંસદ શશિ થરૂર અને NCP સાંસદ સુપ્રિયા સુલે સહિત અન્ય વરિષ્ઠ નેતાઓ વિશ્વના મુખ્ય દેશોની મુલાકાત લેશે અને ઓપરેશન સિંદૂર વિશે જણાવશે અને ભારતનો દૃષ્ટિકોણ રજૂ કરશે. શશિ થરૂર અમેરિકા, પનામા, ગુયાના, બ્રાઝિલ અને કોલંબિયાની મુલાકાત લેશે, જ્યારે સુલે ઇજિપ્ત, કતાર, ઇથોપિયા અને દક્ષિણ આફ્રિકાની મુલાકાત લેશે. આ સિવાય પ્રતિનિધિમંડળમાં કનિમોઝી કરુણાનિધિ, સંજય કુમાર ઝા, રવિશંકર પ્રસાદ, બૈજયંત પાંડા અને શ્રીકાંત શિંદેના નામ સામેલ છે.                                                                                                  

 

આ પણ વાંચો

World Museum Day: તાજમહેલ જોવા જાવ કે લાલ કિલ્લો, આજે તમને આ બધા સ્મારકોમાં પર મળશે ફ્રીમાં એન્ટ્રી

પાકિસ્તાનની નિતી મુદે વાત કરતા કશ્મીરી મુસ્લિમ મામલે ઓવૈસીએ સરકાર પાસે કરી આ મોટી માંગણી