Russia Ukraine War: યુદ્ધના બે મહિના બાદ પુતિને કહ્યું- હજુ પણ શાંતિપૂર્ણ સમજૂતીના આશા

Russia Ukraine War: રશિયાના રાષ્ટ્રપતિ વ્લાદિમીર પુતિને શાંતિપૂર્ણ સમાધાનની વાત કરી છે. વ્લાદિમીર પુતિને કહ્યું છે કે મોસ્કો હજુ પણ યુક્રેન સાથે શાંતિપૂર્ણ સમાધાનની આશા રાખે છે.

ફાઈલ તસવીર

Russia Ukraine War:  રશિયા અને યુક્રેન વચ્ચે યુદ્ધ શરૂ થયાને બે મહિનાથી વધુ સમય વીતી ગયો છે. રશિયાએ 24 ફેબ્રુઆરીએ યુક્રેન પર હુમલાની જાહેરાત કરી ત્યારથી સૈનિકો સહિત હજારો લોકોના મોત થયા છે. જોકે હવે રશિયાના રાષ્ટ્રપતિ વ્લાદિમીર પુતિને શાંતિપૂર્ણ સમાધાનની વાત કરી છે. વ્લાદિમીર પુતિને કહ્યું છે કે મોસ્કો હજુ પણ યુક્રેન સાથે શાંતિપૂર્ણ સમાધાનની આશા રાખે છે.

શું કહ્યું પુતિને

મંગળવારે યુએન સેક્રેટરી-જનરલ એન્ટોનિયો ગુટેરેસ સાથેની બેઠકમાં વ્લાદિમીર પુતિને જણાવ્યું હતું કે ગયા મહિને તુર્કીના ઈસ્તાંબુલમાં રશિયન અને યુક્રેનિયન અધિકારીઓ વચ્ચેની વાતચીત દરમિયાન "નોંધપાત્ર પ્રગતિ" થઈ હતી. વ્લાદિમીર પુતિને દાવો કર્યો હતો કે યુક્રેન બાદમાં ઇસ્તંબુલમાં થયેલા કેટલાક કરારોમાંથી બહાર નીકળી ગયું હતું.

તેમણે કહ્યું કે યુક્રેનના સત્તાવાળાઓએ ક્રિમીઆ અને પૂર્વી યુક્રેનના અલગતાવાદી વિસ્તારોની સ્થિતિ પર તેમની સ્થિતિ બદલી છે અને આ મુદ્દાઓ બંને દેશોના રાષ્ટ્રપતિઓ પર ચર્ચા કરવા માટે છોડી દેવામાં આવ્યા છે. વ્લાદિમીર પુતિને કહ્યું કે યુક્રેનના વલણમાં ફેરફાર ભવિષ્યના કોઈપણ કરારને મુશ્કેલ બનાવશે.

રશિયાએ પૂર્વ યુક્રેન પર આક્રમણ કર્યું

મંગળવારે પુતિને યુક્રેન સાથે શાંતિપૂર્ણ સમાધાનની આશા વ્યક્ત કરી હતી, તો બીજી તરફ રશિયાએ પૂર્વી યુક્રેન પર હુમલો કર્યો હતો. દરમિયાન, સ્થાનિક અધિકારીઓએ જણાવ્યું હતું કે પૂર્વી અને દક્ષિણ યુક્રેનના શહેરો પર રશિયન હુમલામાં ઓછામાં ઓછા નવ લોકો માર્યા ગયા હતા અને અન્ય ઘણા લોકો ઘાયલ થયા હતા.

પશ્ચિમ કિવને નવા શસ્ત્રોનું  અમેરિકાએ આપ્યું વચન

 યુએસ સંરક્ષણ સચિવે કિવને નવા હુમલાઓનો જવાબ આપવા માટે જરૂરી શસ્ત્રો પ્રદાન કરવા માટે  નવા શસ્ત્રો આપવાનું વચન આપ્યું હતું. યુએસ ડિફેન્સ સેક્રેટરી લોયડ ઓસ્ટીને કહ્યું કે યુક્રેનને મદદ કરવાની છે. તેમણે જર્મનીમાં યુએસના રામસ્ટીન એર બેઝ પર લગભગ 40 દેશોના અધિકારીઓની બેઠક પણ બોલાવી હતી. જર્મનીએ જાહેરાત કરી કે તેણે યુક્રેનને ગેપાર્ડ એન્ટી એરક્રાફ્ટ હથિયારોની સપ્લાયનો માર્ગ સાફ કરી દીધો છે.