![ABP Premium](https://cdn.abplive.com/imagebank/Premium-ad-Icon.png)
World Economic Forum: આઉદી અરબે કરી મોટી જાહેરાત, ભારત માટે ઘી-કેળા, જાણો આખો મામલો
સાઉદી અરેબિયાના નાણામંત્રી મોહમ્મદ અલ-જદાને મંગળવારે બ્લૂમબર્ગ ટીવીને આપેલા ઈન્ટરવ્યુમાં કહ્યું કે અમે અમારો બિઝનેસ કઈ મુદ્રામાં કરવા માંગીએ છીએ તે મુદ્દા પર વાટાઘાટો કરવામાં અમને કોઈ સમસ્યા નથી.
![World Economic Forum: આઉદી અરબે કરી મોટી જાહેરાત, ભારત માટે ઘી-કેળા, જાણો આખો મામલો Saudi Arabia open to trading in currencies besides the US Dollars World Economic Forum: આઉદી અરબે કરી મોટી જાહેરાત, ભારત માટે ઘી-કેળા, જાણો આખો મામલો](https://feeds.abplive.com/onecms/images/uploaded-images/2023/01/18/de186cfce715057a6bae8c8c903c4eab167405338304181_original.jpg?impolicy=abp_cdn&imwidth=1200&height=675)
Saudi Arabia Open Trading : ભારતના મહત્વપૂર્ણ આર્થિક ભાગીદાર સાઉદી અરેબિયાએ વ્યાપાર સોદાને લઈને મોટો નિર્ણય લીધો છે. સાઉદી અરેબિયાના નાણાપ્રધાન મોહમ્મદ અલ-જાદાને કહ્યું છે કે સાઉદી અરેબિયા યુએસ ડોલર સિવાય અન્ય કરન્સીમાં વ્યાપાર કરવા અંગે વાટાઘાટો કરવા તૈયાર છે.
સાઉદીના વિદેશ મંત્રીનું આ નિવેદન ભારત માટે એટલા માટે પણ મહત્વનું છે કારણ કે બંને દેશોએ હાલમાં જ આર્થિક સંબંધોને પ્રોત્સાહન આપવા માટે રૂપિયા-રિયાલમાં વ્યાપાર શરૂ કરવાની સંભાવના પર ચર્ચા કરી હતી. આ સિવાય ભારતે દ્વિપક્ષીય વ્યાપાર અને આર્થિક સંબંધોને પ્રોત્સાહન આપવા માટે ફેબ્રુઆરી 2022માં અન્ય ગલ્ફ દેશ UAE સાથે ફ્રી ટ્રેડ એગ્રીમેન્ટ (FTA) પર હસ્તાક્ષર કર્યા હતા.
સાઉદી અરેબિયાના નાણામંત્રી મોહમ્મદ અલ-જદાને મંગળવારે બ્લૂમબર્ગ ટીવીને આપેલા ઈન્ટરવ્યુમાં કહ્યું કે અમે અમારો બિઝનેસ કઈ મુદ્રામાં કરવા માંગીએ છીએ તે મુદ્દા પર વાટાઘાટો કરવામાં અમને કોઈ સમસ્યા નથી. તે યુએસ ડૉલર, યુરો અથવા સાઉદી રિયાલ્સમાં હોય. તેમણે કહ્યું હતું કે, મને નથી લાગતું કે અમે વિશ્વભરમાં વ્યાપારને સુધારવામાં મદદ કરે તેવા કોઈપણ મુદ્દા પર ચર્ચાને દૂર કરી રહ્યા છીએ અથવા ફગાવી રહ્યાં છીએ. સાઉદી નાણા મંત્રીએ દાવોસમાં ચાલી રહેલા વર્લ્ડ ઈકોનોમિક ફોરમ 2023 દરમિયાન આ વાત કહી હતી.
સ્વિત્ઝરલેન્ડના દાવોસમાં વર્લ્ડ ઈકોનોમિક ફોરમ 2023 ચાલી રહ્યું છે. આમાં સાઉદી અરેબિયાએ પણ ભાગ લીધો છે. આ દરમિયાન સાઉદી અરેબિયાએ ટ્રેડ ડીલને લઈને મોટો નિર્ણય લીધો છે. સાઉદી અરેબિયાના નાણામંત્રીએ માહિતી આપી છે કે તેમનો દેશ યુએસ ડોલર સિવાય અન્ય ચલણમાં બિઝનેસ કરવા અંગે વાત કરશે.
જોકે ભારતે દ્વિપક્ષીય વ્યાપાર અને આર્થિક સંબંધોને મજબૂત કરવા માટે ફેબ્રુઆરી 2022માં ગલ્ફ દેશ UAE સાથે ફ્રી ટ્રેડ એગ્રીમેન્ટ (STF) પર હસ્તાક્ષર કર્યા છે. આ પહેલા પણ ભારતના વ્યાપાર મંત્રી પીયૂષ ગોયલ બિઝનેસ દ્વારા સંબંધો સુધારવાની વાત કરી ચૂક્યા છે. તેમણે બિઝનેસની મદદથી સાઉદી અરેબિયા સાથે પરસ્પર સંબંધો સુધારવાની પણ વાત કરી છે.
ગતિશીલ પરિવર્તન લાવવાની જરૂર
સાઉદી અરેબિયાના વ્યાપાર પ્રધાન માજિદ બિન અબ્દુલ્લા કસ્બીએ ગયા વર્ષે એક બેઠકમાં કહ્યું હતું કે, ભારત અને સાઉદી અરેબિયા વચ્ચેના આર્થિક સંબંધોને મજબૂત રીતે આગળ વધારવા માટે પરસ્પર વ્યાપારમાં ગતિશીલ પરિવર્તન લાવવાની જરૂર છે. કોઈપણ રીતે, ભારત એશિયાની ત્રીજી સૌથી મોટી અને વિશ્વની પાંચમી સૌથી મોટી અર્થવ્યવસ્થા છે. આ કારણે ભારતે આંતરરાષ્ટ્રીય સ્તરે વ્યાપારી વ્યવહારોમાં એક સિસ્ટમ તરીકે રૂપિયાને સ્થિર કર્યો છે. એક રિપોર્ટ અનુસાર, ભારત સાઉદી અરેબિયા સાથે વ્યાપાર કરનાર ચોથો સૌથી મોટો દેશ છે. આ ઉપરાંત સાઉદી અરેબિયા અમેરિકા, ચીન અને UAE સાથે બિઝનેસ કરવામાં પહેલા, બીજા અને ત્રીજા સ્થાને છે. જેથી ભારતના વ્યાપારનું સ્તર વધારવામાં પણ ઘણી મદદ મળી શકે છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)