બાંગ્લાદેશમાં ભયંકર સ્થિતિ, હિન્દુ યુવકની હત્યા, ઝાડ પર લટકાવી સળગાવ્યો મૃતદેહ
બાંગ્લાદેશમાં ચાલી રહેલી હિંસા અને વિરોધ પ્રદર્શનો વચ્ચે, કટ્ટરવાદનો ભયાનક ચહેરો ફરી એકવાર સામે આવ્યો છે. એક હિન્દુ યુવકને માર મારીને હત્યા કરી દીધી હતી. શુક્રવારે, સીપી ચંદ્રા નામના યુવકને નગ્ન કરીને લટકાવવામાં આવ્યો હતો
બાંગ્લાદેશમાં ઉસ્માન હાદીના મૃત્યુ બાદ, દેશભરમાં હિંસક વિરોધ પ્રદર્શનો ફાટી નીકળ્યા છે. મીડિયા હાઉસ સળગાવી દેવામાં આવ્યા, અને ભારતીય હાઈ કમિશન અને શેખ મુજીબુર રહેમાનના ઘર પર પણ હુમલો કરવામાં આવ્યો છે.
બાંગ્લાદેશ હાલ ખૂબ જ અશાંતિનો માહોલ છે. ઉસ્માન હાદીના સમર્થકો ઉગ્ર વિરોધ પ્રદર્શન કરી રહ્યાં છે પોલીસના જણાવ્યા અનુસાર, ઢાકામાં લોકોના એક જૂથે ધર્મનું અપમાન કરવાના આરોપમાં એક હિન્દુ યુવકને માર મારીને હત્યા કરી દીધી હતી. શુક્રવારે, સીપી ચંદ્રા નામના યુવકને નગ્ન કરીને લટકાવવામાં આવ્યો હતો. બાદમાં તેના શરીરને થાંભલા સાથે બાંધીને આગ લગાવી દેવામાં આવી હતી. પોલીસે મૃતક યુવકની ઓળખ દીપુ ચંદ્ર દાસ તરીકે કરી છે.
9 ડિસેમ્બરે વિદ્યાર્થી બળવાખોર નેતા શરીફ ઉસ્માન હાદીના મૃત્યુ બાદ, બાંગ્લાદેશમાં વ્યાપક વિરોધ પ્રદર્શનો ફાટી નીકળ્યા છે.. ઢાકામાં જાહેર આક્રોશ વચ્ચે, ઘણા વિરોધીઓએ બાંગ્લાદેશના અગ્રણી દૈનિક અખબારો અને અખબારોના કાર્યાલયોમાં તોડફોડ કરી હતી. યુનુસે હાદીના હત્યારાઓને ઝડપી લેવા માટે ઝડપી કાર્યવાહીનું વચન આપ્યું હતું અને રાજ્ય શોકનો દિવસ જાહેર કર્યો હતો.
બાંગ્લાદેશમાં જુલાઈ બળવાના અગ્રણી નેતા અને ઇન્કલાબ મંચના પ્રવક્તા શરીફ ઉસ્માન હાદીનું ગુરુવારે રાત્રે સિંગાપોરની એક હોસ્પિટલમાં સારવાર દરમિયાન મૃત્યુ થયું હતું, છ દિવસ સુધી તેઓ જિંદગી અને મૃત્યુ વચ્ચેની લડત લડી રહ્યાં હતા. આખરે જિંદગી હારી ગઇ. ગત અઠવાડિયે અજાણ્યા બંદૂકધારીઓ દ્વારા હાદીને માથામાં ગોળી મારી દેવામાં આવી હતી, જેમાં તેઓ ગંભીર રીતે ઘાયલ થયા હતા. રાષ્ટ્રને સંબોધતા, વચગાળાના સરકારના વડા મોહમ્મદ યુનુસે કહ્યું, "આજે હું તમારા માટે ખૂબ જ દુઃખદ સમાચાર લઈને આવ્યો છું. જુલાઈ બળવાના નિર્ભય યોદ્ધા અને ઇન્કલાબ મંચના પ્રવક્તા શરીફ ઉસ્માન હાદી હવે આપણી વચ્ચે નથી."
ઉસ્માન હાદીનો મૃતદેહ આજે સાંજે બાંગ્લાદેશ પહોંચશે
ઇન્કિલાબ પ્લેટફોર્મ દ્વારા ફેસબુક પોસ્ટ મુજબ, ઉસ્માન હાદીના સંબંધીઓ શુક્રવારે બપોરે 3:50 વાગ્યે તેમના મૃતદેહ સાથે સિંગાપોર રવાના થશે. તેઓ સાંજે 6 વાગ્યાની આસપાસ બાંગ્લાદેશ પહોંચશે. ઇન્કિલાબ પ્લેટફોર્મ દ્વારા જણાવાયું છે કે, તેમના અંતિમ સંસ્કાર શનિવારે ઢાકાના માનિક મિયાં એવન્યુ ખાતે ઝુહરની નમાઝ (બપોરની નમાઝ) પછી કરવામાં આવશે.
શરીફ ઉસ્માન હાદી કોણ હતા?
શરીફ ઉસ્માન હાદીને શેખ હસીના વિરોધી સંગઠન, ઇન્કલાબ મંચમાં એક અગ્રણી વ્યક્તિ માનવામાં આવતા હતા. તેઓ સંગઠનના પ્રવક્તા પણ હતા અને આગામી ફેબ્રુઆરીની ચૂંટણીમાં ઢાકા-8 મતવિસ્તારમાંથી સ્વતંત્ર ઉમેદવાર તરીકે પ્રચાર કરી રહ્યા હતા. જુલાઈ 2024માં તત્કાલીન વડા પ્રધાન શેખ હસીનાની સત્તાને પડકારનારા વિદ્યાર્થી બળવા દરમિયાન ઇન્કલાબ મંચ રાષ્ટ્રીય સ્તરે ધ્યાન ખેંચ્યું હતું. ઉસ્માન બિન હાદીનો જન્મ બાંગ્લાદેશના ઝાલાકાઠી જિલ્લામાં એક ધાર્મિક અને સાધારણ પરિવારમાં થયો હતો. તેમના પિતા મદરેસા શિક્ષક હતા, જેમની પાસેથી હાદીએ શિસ્ત, અભ્યાસ અને નૈતિક મૂલ્યોના પ્રારંભિક પાઠ મેળવ્યા હતા. તેમણે પ્રાથમિક શિક્ષણ નેસારાબાદ કામિલ મદરેસામાં મેળવ્યું હતું.
ટોપ સ્ટોરી
ટ્રેન્ડિંગ સમાચાર
