Israel Hamas War: ગાઝા અને વેસ્ટ બેંકને માનવીય સહાયતા આપશે અમેરિકા, જો બાઇડેને કરી 100 મિલિનય ડોલર ફંડની જાહેરાત

બાઇડેને કહ્યું, ગઈકાલે ગાઝાની હોસ્પિટલમાં થયેલા પ્રચંડ હુમલાથી હું દુઃખી થયો હતો. યુનાઇટેડ સ્ટેટ્સ સ્પષ્ટપણે સંઘર્ષ દરમિયાન નાગરિક જીવનના રક્ષણ માટે ઊભું છે.

જો બાઈડેન ( Image Source :ANI )

તેલ અવીવઃ અમેરિકાના પ્રેસિડેન્ટ જો બાઇડેન ઇઝરાયેલ પ્રવાસે આવ્યા હતા. તેમણે નેતન્યાહૂ સાથે મુલાકાત કરી હતી. સમાચાર એજન્સી એએનઆઈ અનુસાર, યુએસ પ્રમુખ જો બાઇડેન તેલ અવીવમાં ઇઝરાયેલના પીએમ નેતન્યાહૂ સાથે સંયુક્ત પ્રેસ કોન્ફરન્સમાં જાહેરાત કરી કે અમેરિકા ગાઝા અને પશ્ચિમ કાંઠે રહેતા લોકોને માનવતાવાદી સહાય તરીકે $ 100 મિલિયનનું ભંડોળ પૂરું પાડશે.

ઉપરાંત બાઇડેને કહ્યું, મોટાભાગના પેલેસ્ટિનિયન હમાસ નથી. હમાસ પેલેસ્ટિનિયન લોકોનું પ્રતિનિધિત્વ કરતું નથી. હમાસ ગાઝામાં નિર્દોષ, નાગરિકો-પરિવારોનો માનવ ઢાલ તરીકે ઉપયોગ કરે છે. પેલેસ્ટિનિયન લોકો પણ ખૂબ પીડાય છે. ગઈકાલે ગાઝાની હોસ્પિટલમાં થયેલા પ્રચંડ હુમલાથી હું દુઃખી થયો હતો. યુનાઇટેડ સ્ટેટ્સ સ્પષ્ટપણે સંઘર્ષ દરમિયાન નાગરિક જીવનના રક્ષણ માટે ઊભું છે.

#WATCH | Tel Aviv, Israel: US President Joe Biden says, "Today, I'm also announcing 100 Million dollars in new US funding for humanitarian assistance in both Gaza and the West Bank..." pic.twitter.com/QX52bvXeh8

— ANI (@ANI) October 18, 2023

હુમલા બાદ પ્રથમ ક્ષણથી જ મારું વહીવટીતંત્ર ઇઝરાયેલના સંપર્કમાં

ઇઝરાયેલ રાજ્યનો જન્મ વિશ્વના યહૂદી લોકો માટે સલામત સ્થળ તરીકે થયો હતો. જો ઈઝરાયેલ ન હોત તો આપણે તેની શોધ કરવી પડત. હું તમને વચન આપું છું, અમે તમને શક્ય તમામ મદદ કરીશું. આ ઉપરાંત બાઇડેને કહ્યું, આ હુમલા બાદ પ્રથમ ક્ષણથી જ મારું વહીવટીતંત્ર ઇઝરાયેલના નેતૃત્વના નજીકના સંપર્કમાં છે. 

ગાઝાના લોકોને ખોરાક, પાણી, દવા, આશ્રયની જરૂરઃ બાઇડેન

ગાઝાના લોકોને ખોરાક, પાણી, દવા, આશ્રયની જરૂર છે. આજે, મેં ઇઝરાયેલી કેબિનેટને ગાઝામાં નાગરિકોને જીવન-રક્ષક માનવતાવાદી સહાય પહોંચાડવા માટે સંમત થવા કહ્યું. સહાય હમાસને નહીં, નાગરિકોને જવી જોઈએ. ઇઝરાયેલ સંમત થયું કે માનવતાવાદી સહાય ઇજિપ્તથી ગાઝા તરફ જવાનું શરૂ કરી શકે છે. જો હમાસ સહાયને રોકશે અથવા ચોરી કરશે તો તેણે મોટી કિંમત ચૂકવવી પડશે.

#WATCH | Tel Aviv, Israel: US President Joe Biden says, "Majority of Palestinians are not Hamas. Hamas does not represent the Palestinian people. Hamas uses innocent, innocent families in Gaza as human shields... Palestinian people are suffering greatly as well. I was outraged… pic.twitter.com/3uSbTAwdaa

— ANI (@ANI) October 18, 2023