24 ફેબ્રુઆરીએ બેન્ક એકાઉન્ટમાં આવશે પીએમ કિસાન યોજનાનો 19મો હપ્તો, આ રીતે ચેક કરો લાભાર્થીઓનું લિસ્ટ

કેન્દ્ર સરકારની પ્રધાનમંત્રી કિસાન સન્માન નિધિ યોજના હેઠળ દર વર્ષે દેશના કરોડો ખેડૂતોને નાણાકીય સહાય આપવામાં આવે છે. આ યોજના હેઠળ પાત્ર ખેડૂતોને વાર્ષિક 6,000 રૂપિયાની સહાય પૂરી પાડવામાં આવે છે

પ્રતિકાત્મક તસવીર

કેન્દ્ર સરકારની પ્રધાનમંત્રી કિસાન સન્માન નિધિ યોજના હેઠળ દર વર્ષે દેશના કરોડો ખેડૂતોને નાણાકીય સહાય આપવામાં આવે છે. આ યોજના હેઠળ પાત્ર ખેડૂતોને વાર્ષિક 6,000 રૂપિયાની સહાય પૂરી પાડવામાં આવે છે, જે ત્રણ હપ્તામાં સીધી તેમના બેન્ક ખાતામાં મોકલવામાં આવે છે. હવે બધા ખેડૂતો 19મા હપ્તાની આતુરતાથી રાહ જોઈ રહ્યા છે, જેની તારીખ નક્કી થઈ ગઈ છે.

પ્રધાનમંત્રી કિસાન સન્માન નિધિ યોજનાનો 19મો હપ્તો 24 ફેબ્રુઆરી 2025 ના રોજ ખેડૂતોના બેન્ક એકાઉન્ટમાં મોકલવામાં આવશે. દરમિયાન, પ્રધાનમંત્રી નરેન્દ્ર મોદી પોતે આ હપ્તો લાભાર્થી ખેડૂતોના બેન્ક ખાતામાં ટ્રાન્સફર કરશે. સરકાર દ્વારા જાહેર કરાયેલી માહિતી અનુસાર, આ કાર્યક્રમ બપોરે 2 થી 3:30 વાગ્યા સુધી ચાલશે.