Pitru Paksha 2025: ઘર પર આ વસ્તુઓ હોવાથી ક્યારેય મળતી નથી પિતૃઓની કૃપા

Pitru Paksha 2025: હિન્દુ ધર્મમાં પિતૃ પક્ષને પૂર્વજોનો પર્વ કહેવામાં આવે છે. પિતૃ પક્ષના 15 દિવસ દરમિયાન પિતૃઓની આત્માની શાંતિ માટે અને તેમના આશીર્વાદ મેળવવા માટે પિંડદાન અને તર્પણ કરવામાં આવે છે.

પ્રતિકાત્મક તસવીર

હિન્દુ ધર્મમાં પિતૃ પક્ષને પૂર્વજોનો પર્વ કહેવામાં આવે છે. પિતૃ પક્ષના 15 દિવસ દરમિયાન પિતૃઓની આત્માની શાંતિ માટે અને તેમના આશીર્વાદ મેળવવા માટે પિંડદાન અને તર્પણ કરવામાં આવે છે.

એવી માન્યતા છે કે પિતૃ પક્ષ દરમિયાન મૃત સ્વજનોની આત્મા તેમના પરિવારના સભ્યોને મળવા આવે છે. તેથી, આ સમય દરમિયાન ઘરને સ્વચ્છ અને શુદ્ધ રાખવું જોઈએ. ઉપરાંત ઘરમાંથી એવી નકારાત્મક વસ્તુઓ પણ દૂર કરવી જોઈએ, જે પૂર્વજોને ગમતી નથી.

તૂટેલા વાસણો - જે વાસણો તમે વાપરતા નથી અથવા જે વાસણો તૂટેલા હોય છે. તે વાસણો પિતૃ પક્ષની શરૂઆત પહેલા ઘરમાંથી દૂર કરવા જોઈએ. આ વાસણોમાંથી નકારાત્મક ઉર્જા વધે છે અને પૂર્વજોના આશીર્વાદ પણ પ્રાપ્ત થતા નથી.

તૂટેલી મૂર્તિઓ - ઘરમાં ક્યારેય તૂટેલી મૂર્તિઓ અથવા દેવી-દેવતાઓના તૂટેલા ચિત્રો ન રાખો. આવી મૂર્તિઓ ઘરમાં રાખવી અથવા તેમાં પૂજા કરવી ખૂબ જ અશુભ માનવામાં આવે છે. પિતૃપક્ષ શરૂ થાય તે પહેલાં તમારે તેમને પવિત્ર નદીમાં વિસર્જન કરવું જોઈએ.

નકામી વસ્તુઓ- ઘરમાં નકામી કાટ લાગેલી વસ્તુઓ, કચરો કે જૂના કપડાં રાખવાનું સારું માનવામાં આવતું નથી. આવી વસ્તુઓ ઘરની પવિત્રતાને ભંગ કરે છે. તેથી પિતૃપક્ષ પહેલા આ વસ્તુઓ દૂર કરો.

બંધ થઈ ગયેલી ઘડિયાળો- બંધ થયેલી અથવા ક્ષતિગ્રસ્ત ઘડિયાળો જીવનની ગતિ અને પ્રગતિમાં અવરોધ ઉભો કરે છે. જો તમારી પાસે પણ આવી ઘડિયાળો ઘરમાં હોય તો પિતૃપક્ષ પહેલા તેને રિપેર કરાવો અથવા તેને ઘરમાંથી ફેંકી દો પરંતુ ક્યારેય બંધ થયેલી ઘડિયાળોને દિવાલ પર લટકાવશો નહીં.