Auto Expo 2023: માર્કેટમાં આવી રહી છે મારુતિની આ નવી જનરેશનની કાર, તસવીરોમાં જુઓ લૂક એન્ડ ડિઝાઇન

મારુતિ જિમ્નીની પહેલી ઝલક છેવટે ઓટો એક્સ્પૉમાં જોવા મળી ગઇ છે. આ તે કાર છે જેની દિવાનગી દુનિયાભરમાં છે.

ફાઇલ તસવીર

Auto Expo: મારુતિ જિમ્નીની પહેલી ઝલક છેવટે ઓટો એક્સ્પૉમાં જોવા મળી ગઇ છે. આ તે કાર છે જેની દિવાનગી દુનિયાભરમાં છે.

લાંબા સમય બાદ... કંપનીએ છેવટે મારુતિ જિમ્નીની ભારતમાં એન્ટ્રી કરાવી દીધી છે. Maruti Suzukiએ ફાઇનલી ઓટો એક્સ્પૉમાં 5 દરવાજા વાળી મારુતિ જિમ્નીને લૉન્ચ કરી દીધી છે. આ કાર ભારતમાં નેક્સા પ્લેટફોર્મ દ્વારા વેચવામાં આવશે, આ કારનો સીધો મુકાબલો થાર સાથ થશે.

ભારતમાં, મારુતિ સુઝુકીએ પાંચ વર્ષની લાંબી પ્રતીક્ષા પછી ભારતમાં તેની પ્રથમ ઑફ-રોડ SUV મારુતિ જીમ્ની 5 ડોર લૉન્ચ કરી છે. મારુતિ જિમ્ની લૉન્ચ કરવાની સાથે કંપનીએ તેની બુકિંગ વિન્ડો પણ ખોલી છે.

કેટલું ટોકન આપીને કરાવી શકાય છે બુક - મારુતિ જીમ્ની 5 ડોર ખરીદવામાં રસ ધરાવતા ગ્રાહકો કંપનીની અધિકૃત વેબસાઈટ પર જઈને અથવા નજીકની મારુતિ સુઝુકી ડીલરશીપની મુલાકાત લઈને તેને બુક કરી શકે છે. કંપનીએ આ ઑફ-રોડ SUV બુક કરવા માટે 11,000 રૂપિયાની ટોકન રકમ નક્કી કરી છે, જે રિફંડપાત્ર છે.

એન્જિન કેવું છે - મારુતિ સુઝુકીએ જિમ્ની 5 ડોરમાં 4 સિલિન્ડર સાથે 1.5 લિટર K-15-B પેટ્રોલ એન્જિન આપ્યું છે જે 101 bhpનો પાવર અને 130 Nmનો પીક ટોર્ક જનરેટ કરે છે. આ એન્જિન સાથે કંપનીએ 5 સ્પીડ મેન્યુઅલ ટ્રાન્સમિશન અને 4 સ્પીડ ઓટોમેટિક ટ્રાન્સમિશનનો વિકલ્પ આપ્યો છે. આ સાથે મારુતિ સુઝુકીએ આ ઑફ રોડ SUVમાં 4X4 વ્હીલ ડ્રાઇવનું ફીચર પણ આપ્યું છે.

મારુતિ સુઝુકીના મેનેજિંગ ડિરેક્ટર અને સીઈઓએ શું કહ્યું - મારુતિ સુઝુકીના મેનેજિંગ ડિરેક્ટર અને સીઈઓ હિસાશી ટેકયુચીએ 5 ડોર જિમની લૉન્ચ ઈવેન્ટમાં જણાવ્યું હતું કે, મારુતિ સુઝુકી ભારતમાં પહેલીવાર JIMNY રજૂ કરી રહી છે જે 5 દરવાજા સાથે લૉન્ચ કરવામાં આવી છે. આ SUVને સમગ્ર વિશ્વમાં ઘણો પ્રેમ મળ્યો છે, જેનો પુરાવો એ હકીકત છે કે તેને 199 દેશોમાં લગભગ 3.2 મિલિયન લોકોએ ખરીદ્યો છે.

કેટલા કલરમાં મળશે કાર - મારુતિ સુઝુકીએ જિમ્નીને 7 રંગો સાથે ઓફર કરી છે, જેમાં 5 સિંગલ ટોન અને બે ડ્યુઅલ ટોનનો સમાવેશ થાય છે. આ રંગો ગ્રેનાઈટ ગ્રે, નેક્સા બ્લુ, બ્લુઈશ બ્લેક, પર્લ આર્ક્ટિક વ્હાઇટ, કાઈનેટિક યલો અને બ્લેક રૂફ સાથે સિઝલિંગ રેડ છે

જિમ્ની 5 ડોર લૉન્ચ કરવાની સાથે, મારુતિ સુઝુકીએ તેની નવી પ્રીમિયમ SUV મારુતિ ફ્રૉન્ક્સનું પણ અનાવરણ કર્યું છે. મારુતિ સુઝુકીએ આ SUVને 4 સિલિન્ડર સાથે 1.2 લિટર પેટ્રોલ એન્જિન સાથે બજારમાં ઉતારી છે. મારુતિ જીમની સાથે કંપનીએ આ SUV માટે બુકિંગ વિન્ડો પણ ખોલી છે.