Budget Electric Cars: પેટ્રૉલની ઝંઝટમાંથી મુક્તિ જોઇએ છે, તો આ પાંચ સસ્તી ઇલેક્ટ્રિક કારની કરી શકો છો ખરીદી ? જુઓ લિસ્ટ

અમે તમને અહીં બેસ્ટ ઇવી વિશે માહિતી આપી રહ્યાં છીએ, જે તમને 10-20 લાખ રૂપિયાના બજેટમાં ભારતમાં મળી રહેશે,

તસવીર (સોશ્યલ મીડિયા પરથી)

EV Under 20 Lakh: ભારતમાં ઓટોમોબાઇલ માર્કેટ ઝડપથી વિકસી રહ્યું છે, પેટ્રૉલ-ડીઝલ કારની સાથે સાથે હવે ઇલેક્ટ્રિક કારોનું પણ વેચાણ સતત વધી રહ્યું છે. જો તમે પેટ્રૉલના ઊંચા ભાવથી પરેશાન હોય અને એક સારી ઇવી એટલે કે ઇલેક્ટ્રિક વાહન વસાવવાનું વિચારી રહ્યા છો, તો અમે તમને અહીં બેસ્ટ ઇવી વિશે માહિતી આપી રહ્યાં છીએ, જે તમને 10-20 લાખ રૂપિયાના બજેટમાં ભારતમાં મળી રહેશે, જુઓ અહીં લિસ્ટ.....

એફોર્ડેબલ ઈલેક્ટ્રિક વાહનોની યાદીમાં પહેલું નામ MG મૉટર તરફથી તાજેતરમાં લૉન્ચ કરવામાં આવેલ MG ધૂમકેતુનું છે. આ 4 સીટર ઇલેક્ટ્રિક કાર સિંગલ ચાર્જ પર 230 કિમી સુધીની માઇલેજ આપે છે. જેને એક્સ-શૉરૂમ 7.98 લાખ રૂપિયાની કિંમત પર ખરીદી શકાય છે.

બીજા નંબર પર Tata Tiago ઇલેક્ટ્રિક કાર છે. જેને એક્સ-શૉરૂમ 8.69 લાખથી 11.99 લાખ રૂપિયાની કિંમતમાં ખરીદી શકાય છે. આની ARAI પ્રમાણિત ડ્રાઇવિંગ રેન્જ ફૂલ ચાર્જ કરવા પર 250-315 કિમી સુધીની છે.

આ લિસ્ટમાં ત્રીજી ઈલેક્ટ્રિક કાર Tata Tigor છે. આ કાર એક્સ-શૉરૂમ 12.49 લાખથી 13.75 લાખ રૂપિયાની કિંમતમાં ખરીદી શકાય છે. આની ARAI પ્રમાણિત ડ્રાઇવિંગ રેન્જ ફૂલ ચાર્જ કરવા પર 315 કિમી સુધીની છે.

ટાટાની સૌથી વધુ વેચાતી SUV Nexon EV Prime ચોથા નંબર પર છે. આ કાર એક્સ-શૉરૂમ 14.49 લાખથી 17.50 લાખ રૂપિયાની કિંમતમાં ખરીદી શકાય છે. આની ARAI પ્રમાણિત ડ્રાઇવિંગ રેન્જ ફૂલ ચાર્જ કરવા પર 312 કિમી સુધીની છે.

આ લિસ્ટમાં આગામી ઇલેક્ટ્રિક કાર મહિન્દ્રા XUV400 EV છે. આ કારને એક્સ-શૉરૂમ 15.99 લાખથી 18.99 લાખ રૂપિયાની કિંમતમાં ખરીદી શકાય છે. ફૂલ ચાર્જ કરવા પર આની ARAI પ્રમાણિત ડ્રાઇવિંગ રેન્જ 375 કિમીથી 456 કિમી સુધીની છે.