Electric Scooter: વર્ષ 2021માં આ ઈલેક્ટ્રિક સ્કૂટર થયા લોન્ચ, રેંજ 236 કિમી સુધીની

ફાઈલ તસવીર

વર્ષ 2021 સમાપ્ત થવા જઈ રહ્યું છે, આ વર્ષે ભારતમાં ઈલેક્ટ્રિક વાહનોમાં ઘણો વેગ જોવા મળ્યો છે. જ્યારે સંપૂર્ણ રીતે ઈલેક્ટ્રિક ચાલવું એ હજુ પણ એક મોટું લક્ષ્ય છે, ત્યારે આ વિકસતા ઈલેક્ટ્રિક વાહન માટે સમગ્ર વિશ્વમાં ભારતની પ્રશંસા થઈ રહી છે. તો આજે આપણે ઈલેક્ટ્રિક વ્હીકલ સેગમેન્ટ, ખાસ કરીને સ્કૂટર પર ફોકસ કરીશું. તો અહીં તે સ્કૂટર્સની યાદી છે જે વર્ષ 2021માં ભારતીય બજારમાં સારી રેન્જ સાથે આવ્યા છે.

OLA Electric S1 and S1 Pro (ઓલા ઈલેક્ટ્રિક એસ1 અને એસ1 પ્રો) ઓલાએ ભારતમાં 2 ઇલેક્ટ્રિક સ્કૂટર લોન્ચ કર્યા છે. જેની રેન્જ 181 કિમી સુધીની છે. Ola S1 ની એક્સ-શોરૂમ કિંમત 99,999 રૂપિયા અને S1 Proની કિંમત 1,21,999 રૂપિયા છે. 115 કિમી/કલાકની ટોપ સ્પીડ સાથે, સ્કૂટર માત્ર ત્રણ સેકન્ડમાં 0 થી 40 કિમી/કલાકની ઝડપ પકડી શકે છે. સ્કૂટર 750W પોર્ટેબલ ચાર્જર સાથે આવે છે અને તેની 2.9kWh બેટરી છ કલાકમાં સંપૂર્ણ ચાર્જ થઈ શકે છે. OLA ના સૂચિત હાઇપરચાર્જ નેટવર્ક સાથે, સ્કૂટરને માત્ર 18 મિનિટમાં 50 ટકા સુધી ચાર્જ કરી શકાય છે.