Free Course: આ ફ્રી ઓનલાઈન ઈ-કોમર્સ કોર્સમાં એડમિશન લો, તમે 12 અઠવાડિયામાં વેબસાઈટ બનાવતા શીખી જશો

Free Course: ઇ-કોમર્સ સેક્ટરમાં કારકિર્દી બનાવવાનું સપનું જોતા હોય તેવા લોકો માટે IGNOU ફ્રી ઓનલાઈન કોર્સ ઓફર કરે છે. આ કોર્સ શિક્ષણ મંત્રાલયના સ્વયમ પોર્ટલ પર ઉપલબ્ધ છે.

પ્રતિકાત્મક તસવીર

Free Course: ભારતમાં ઈ-કોમર્સનું માર્કેટ લગભગ 112.93 બિલિયન ડોલર છે. જે 2029 સુધીમાં 299.01 બિલિયન ડોલર થવાનો અંદાજ છે. આ માર્કેટમાં મોટી સંખ્યામાં નોકરીઓ છે. માત્ર કૌશલ્યની જરૂર છે. દેશની સૌથી મોટી ઓપન યુનિવર્સિટી, ઈન્દિરા ગાંધી નેશનલ ઓપન યુનિવર્સિટી (IGNOU) એ ઈ-કોમર્સ ક્ષેત્રમાં કારકિર્દી બનાવવા ઈચ્છતા યુવાનો માટે મફત ઓનલાઈન પ્રોગ્રામ શરૂ કર્યો છે. જે શિક્ષણ મંત્રાલયના સ્વયમ પોર્ટલ પર ઉપલબ્ધ છે.

IGNOU ના ઈ-કોમર્સ કોર્સ દરમિયાન ઈ-કોમર્સની મૂળભૂત બાબતો સમજાવવામાં આવશે. આ 12 સપ્તાહનો અનુસ્નાતક સ્તરનો પ્રમાણપત્ર કાર્યક્રમ છે. જે 4 ક્રેડિટની છે. તે IGNOUના પ્રોફેસર સુબોધ કેશરવાણી દ્વારા શીખવવામાં આવશે. આ કોર્સ 1લી જાન્યુઆરીથી શરૂ થયો છે. આ માટે રજીસ્ટ્રેશનની છેલ્લી તારીખ 29 ફેબ્રુઆરી છે. IGNOU નો આ ફ્રી કોર્સ 30મી એપ્રિલે પૂર્ણ થશે. આ પછી 26મી મેના રોજ પરીક્ષા લેવામાં આવશે. IGNOU ના ઈ-કોમર્સ કોર્સ માટે રજીસ્ટ્રેશન સ્વયમ પોર્ટલ https://onlinecourses.swayam2.ac.in/nou24_cm07/preview ની લિંક પર જઈને કરવાની રહેશે.