Board Exam બાદ સ્ટ્રેસને આ રીતે કરો હેન્ડલ, રિઝલ્ટની ચિંતાથી ખુદને આ રીતે રાખો મુક્ત

બોર્ડની પરીક્ષા પૂરી થતાં જ કેટલાક બાળકો પરિણામની ચિંતા કરવા લાગે છે. જ્યારે કેટલાક વિદ્યાર્થીઓ પરિણામની તારીખ નજીક આવતાં ડર અનુભવે છે, તો કેટલાક અગાઉથી જ નર્વસ થવા લાગે છે.

આવો જાણીએ બોર્ડની રિઝલ્ટની ચિંતાથી બચવાના ઉપાયો

બોર્ડ પરીક્ષા પૂરી થય બાદ થોડા દિવસો માટે સંપૂર્ણપણે તણાવમુક્ત રહો. કેટલાક વિદ્યાર્થીઓને પેપર સાથે બેસીને વારંવાર માર્કસ કાઢવાની આદત હોય છે, આ ટેવ ટાળો. તમારે જે કરવાનું હતું તે થઈ ગયું છે. હવે ફરીથી અને ફરીથી ગુણ ગણવાથી કોઈ ફાયદો થશે નહીં. તેનાથી તમારો તણાવ જ વધશે. તમારા માર્કસ ઘણી બધી બાબતો પર આધાર રાખે છે, માત્ર ગણતરી અહીં મદદ કરશે નહીં.

જે થવાનું હતું તે થઈ ગયું. પરીક્ષા આપ્યા પછી, તમને પરિણામ કેવું આવશે તેનો સ્થૂળ ખ્યાલ આવે છે. જો તે યોગ્ય ન હોય તો તેના વિશે રડતા બેસો નહીં. આ ગેપ ભરવા માટે શું કરી શકાય તે વિશે વિચારો.