Aftab Shivdasani Birthday: ત્રણ સપ્તાહના પ્રેમ બાદ લગ્ન, રસપ્રદ છે આફતાબ શિવદાસાનીની લવસ્ટોરી

ફાઇલ તસવીર

મુંબઇઃ ફિલ્મી દુનિયામાં ક્યારે કોઈ રાતોરાત સ્ટાર બની જાય તો કોઇ વળી વર્ષો સુધી કામ કર્યા પછી પણ કોઇ એક્ટરને સફળતા મળતી નથી. આવું જ કંઈક આફતાબ શિવદાસાની સાથે થયું છે. અભિનેતા હંમેશા સાઈડ રોલ અથવા સપોર્ટિંગ રોલમાં જોવા મળે છે.

14 વર્ષની ઉંમરે બોલિવૂડમાં એન્ટ્રી કરનાર આફતાબ શિવદાસાની 25 જૂને પોતાનો જન્મદિવસ ઉજવી રહ્યો છે. આફતાબ શિવદાસાની લાંબા સમયથી ફિલ્મોમાંથી ગાયબ છે. વર્ષ 2014માં આફતાબ શિવદાસાનીએ ગર્લફ્રેન્ડ નિન દુસાંજ સાથે લગ્ન કર્યા હતા.

આ દરમિયાન ઘણા ફોટા સોશિયલ મીડિયા પર વાયરલ થયા હતા. બંને ફિલ્મ ઈન્ડસ્ટ્રીના ક્યૂટ કપલ્સમાંના એક છે. બંન્ને એક દીકરી છે જેનું નામ વેનાહ છે.

એક વેબસાઇટને આપેલા ઇન્ટરવ્યૂમાં આફતાબને જ્યારે પૂછવામાં આવ્યું કે તે નિન દુસાંજને પ્રથમવાર ક્યારે મળ્યો હતો ત્યારે તેણે કહ્યું હતું કે તે એક પુસ્તકની દુકાનમાં મળ્યો હતો અને અભિનેતાને પ્રથમ નજરમાં જ નિન દુસાંજ સાથે પ્રેમ થઈ ગયો હતો.

આ પછી બંન્ને ડેટ કરવા લાગ્યા હતા અને ત્રણ સપ્તાહ પછી આફતાબે નિન દુસાંજને લગ્ન માટે પ્રપોઝ કર્યું હતું. નિને પણ તરત જ હા પાડી હતી. નિન દુસાજ મોડલ છે. સુંદરતામાં તે બોલીવુડની ઘણી અભિનેત્રીઓને ટક્કર આપે છે.

નિન લાઈમલાઈટથી દૂર રહે છે. આ સિવાય તે લક્ઝરી બ્રાન્ડ ઈન્ડસ્ટ્રી માટે કન્સલ્ટન્ટ પણ રહી ચુકી છે. આફતાબે બાળ કલાકાર તરીકે ફિલ્મી દુનિયામાં પ્રવેશ કર્યો હતો.

આ પછી તેણે 'ક્યા કૂલ હૈં હમ', 'ગ્રાન્ડ મસ્તી' અને 'ગ્રેટ ગ્રાન્ડ મસ્તી' જેવી ઘણી ફિલ્મોમાં પોતાના શાનદાર અભિનયથી પોતાની ક્ષમતા સાબિત કરી છે. આફતાબે ફિલ્મ 'મસ્ત'થી લીડ રોલમાં બોલિવૂડમાં એન્ટ્રી કરી હતી

આફતાબ પહેલીવાર અનિલ કપૂરની સુપરહિટ ફિલ્મ 'મિસ્ટર ઈન્ડિયા'માં જોવા મળ્યો હતો. આ પછી તેણે ફિલ્મ 'શહેનશાહ'માં અમિતાભ બચ્ચનનું બાળપણનું પાત્ર ભજવ્યું હતું.આફતાબ શિવદાસાનીએ માત્ર 19 વર્ષની ઉંમરે રામ ગોપાલ વર્માની ફિલ્મ 'મસ્ત'માં મુખ્ય ભૂમિકા ભજવી હતી. આ ફિલ્મ સુપરહિટ રહી હતી. ત્યારબાદ તેને બેસ્ટ મેલ ડેબ્યુ અને મોસ્ટ પ્રોમિસિંગ ન્યુકમર જેવા ઘણા એવોર્ડ જીત્યા હતા.

તમામ તસવીરો ઇન્સ્ટાગ્રામ અને getty images