Alia Ranbir Wedding: જાણો કેટલો મોટો છે આલિયા ભટ્ટનો પરિવાર, ઈમરાન હાશ્મી પણ આલિયાનો સંબંધી થાય

File Image

આલિયા ભટ્ટ ટૂંક સમયમાં કપૂર પરિવારની વહુ બનવા જઈ રહી છે. મહેશ ભટ્ટ અને સોની રાઝદાન પણ તેમની દીકરીને વિદાય આપવાની તૈયારી કરી રહ્યા છે. કપૂર પરિવારમાં આવ્યા બાદ આલિયાના સંબંધો અને પરિવાર બધું જ બદલાઈ જશે. દરેક વ્યક્તિ જાણે છે કે તેમના ભાવિ સાસરીમાં કોણ શું કરે છે. આવી સ્થિતિમાં, તેમના લગ્ન પહેલા, ચાલો તમને આલિયાના પિયર પક્ષ સાથે જોડાયેલા સંબંધીઓથી પરિચિત કરાવીએ.

15 માર્ચ, 1993ના રોજ પ્રખ્યાત નિર્દેશક મહેશ ભટ્ટ અને સોની રાઝદાનના ઘરે આલિયા ભટ્ટનો જન્મ થયો હતો. આલિયાનો જન્મ થતાં જ ભટ્ટ પરિવારમાં આનંદ છવાઈ ગયો હતો.

મહેશ ભટ્ટે પ્રથમ લગ્ન લોરેન બ્રાઈટ સાથે કર્યા હતા. લગ્ન બાદ લોરેને પોતાનું નામ બદલીને કિરણ ભટ્ટ રાખ્યું હતું. કિરણને બે બાળકો હતા, પુત્રી પૂજા ભટ્ટ અને પુત્ર રાહુલ ભટ્ટ. પૂજા અને રાહુલ આલિયાના સાવકા ભાઈ-બહેન બની ગયા.

બાદમાં મહેશ ભટ્ટ અભિનેત્રી સોની રાઝદાનના પ્રેમમાં પડ્યા હતા. સોની રાઝદાને બે દીકરીઓને જન્મ આપ્યો - શાહીન અને આલિયા. આલિયા તમામ ભાઈ-બહેનોમાં સૌથી નાની છે.

આલિયા ભટ્ટની જેમ તેની સાવકી બહેન પૂજા ભટ્ટ પણ અભિનેત્રી છે. જ્યારે તેની બહેન શાહીન ભટ્ટને લખવાનો શોખ છે, ત્યારે તેનો સાવકો ભાઈ રાહુલ અર ફિટનેસ ટ્રેનર છે.

આ સિવાય ઘણા ઓછા લોકો જાણતા હશે કે એક્ટર ઈમરાન હાશ્મી પણ આલિયા ભટ્ટનો સંબંધી છે. તે મહેશ ભટ્ટનો ભત્રીજો છે, તેથી ઈમરાન હાશ્મી આલિયાનો પિતરાઈ ભાઈ થાય છે.

ઈમરાન હાશ્મીની જેમ, મોહિત સૂરી પણ મહેશ ભટ્ટનો ભત્રીજો છે., મોહિત સૂરીએ બોલીવુડની અભિનેત્રી ઉદિતા ગોસ્વામી સાથે લગ્ન કર્યા છે. તેથી મોહિત અને આલિયા ભાઈ-બહેન બન્યા.

આલિયા ભટ્ટ પરિવારના આ તમામ સભ્યો સાથે જોડાયેલી છે. જો કે, હવે ટૂંક સમયમાં તે એક મોટા પરિવારનો ભાગ બનવા જઈ રહી છે, જ્યાં તેના પિયર કરતાં વધુ સંબંધો હશે.