Ranjeet Birthday: 150થી વધુ ફિલ્મોમાં Ranjeetએ ભજવ્યા છે રેપ સીન, લોકો સમજવા લાગ્યા હતા 'બળાત્કારી'

અમે વાત કરી રહ્યા છીએ એક સમયના જાણીતા વિલન રંજીતની જેનો આજે જન્મદિવસ છે. આજે અમે તમને રંજીતના જીવનની એવી વાતોથી પરિચિત કરાવી રહ્યા છીએ, જે તમે ભાગ્યે જ સાંભળી હશે.

ફોટોઃ ઇન્સ્ટાગ્રામ

Ranjeet Unknown Facts: દુનિયા કહે છે કે એક અભિનેતાએ પોતાનું પાત્ર એટલી સારી રીતે ભજવવું કે તે વાસ્તવિક લાગે. એક એક્ટરે પણ પોતાની ભૂમિકાઓ ખૂબ સારી રીતે નિભાવી હતી. સ્થિતિ એવી બની કે તેને બળાત્કારી તરીકે ઓળખવામાં આવ્યો. સગા-સંબંધીઓ અપશબ્દો બોલવા લાગ્યા તો માતાએ પણ મોં ફેરવી લીધું.

અમે વાત કરી રહ્યા છીએ એક સમયના જાણીતા વિલન રંજીતની જેનો આજે જન્મદિવસ છે. આજે અમે તમને રંજીતના જીવનની એવી વાતોથી પરિચિત કરાવી રહ્યા છીએ, જે તમે ભાગ્યે જ સાંભળી હશે.

પંજાબના જંડિયાલા ગુરુમાં 12 સપ્ટેમ્બર 1942ના રોજ જન્મેલા રંજીત ઉર્ફે ગોપાલ બેદીએ ભલે સિનેમાની દુનિયાને અલવિદા કહી દીધું હોય, પરંતુ તેમની ગણના આજે પણ સિનેમાની દુનિયાના દિગ્ગજ ખલનાયકોમાં થાય છે. નોંધનીય છે કે તેણે લગભગ 150 ફિલ્મોમાં રેપ સીન કર્યા છે.

આ વાતનો ખુલાસો ખુદ રંજીતે એક ઈન્ટરવ્યુ દરમિયાન કર્યો હતો. જો કે તમને જાણીને નવાઈ લાગશે કે રંજીત તેની ફિલ્મો જોતો નથી. તેણે અત્યાર સુધી તેની માત્ર 10 ફિલ્મો જ જોઈ છે.

રંજીતે એક ઈન્ટરવ્યુમાં જણાવ્યું હતું કે વર્ષ 1971માં રિલીઝ થયેલી ફિલ્મમાં તેણે હીરોઈન રાખી સાથે બળાત્કારના પ્રયાસનનો સીન કર્યો હતો. આ દ્રશ્ય જોઈને રણજીતના પિતા ગુસ્સે થઈ ગયા. તેમણે રંજીતને ઘરની બહાર કાઢી મૂક્યો હતો.

સાથે એમ પણ કહ્યું હતું કે જો તારે ફિલ્મોમાં કામ કરવું હોય તો ડોક્ટર-એન્જિનિયર અને અન્ય ભૂમિકાઓ ભજવવી પડશે. પિતાનું નાક કપાવવા બેઠો છે. અમૃતસર જઇને શું મોંઢુ બતાવીશું. આવા દ્રશ્યો જોઈને, રણજીતની માતાએ પણ તેમનાથી મોં ફેરવી લીધું હતું. તેણે કહ્યું કે તેં આવું કામ કર્યું છે. હવે લોકોને શું મોંઢુ બતાવીશું.

પડદા પર વિલન બની તરખાટ મચાવનાર રંજીત વાસ્તવિક જીવનમાં નોનવેજ ખાતો નથી અને દારૂ પણ પીતો નથી. વિલનની ભૂમિકાઓએ તેના જીવન પર એટલી અસર કરી કે તેમના સંબંધીઓ પણ તેમની સાથે દુર્વ્યવહાર કરતા રહ્યા. ઘણા સંબંધીઓએ તેની સાથેના સંબંધો ખત્મ કર્યા હતા. જ્યારે તે તેની પુત્રીને મળવા દિલ્હી જતો હતો ત્યારે સામાન્ય લોકો તેને જાહેરમાં ટોણા મારતા હતા કે આધેડ હોવા છતાં તે હજી પણ યુવાન છોકરીઓ સાથે ફરે છે.

તમામ તસવીરો ઇન્સ્ટાગ્રામ પરથી લેવામા આવી છે.