દિવ્યા ભારતીની આ અધૂરી ફિલ્મો, જેણે અન્ય અભિનેત્રીઓએ પૂર્ણ કરી

Divya_Bharti_1

દિવંગત અભિનેત્રી દિવ્યા ભારતીએ ખૂબ જ નાની ઉંમરમાં જ મોટી સફળતા મેળવી હતી. પોતાના સમય દરમિયાન તેણે એવું કામ કર્યું કે બોલિવૂડના દરેક ડિરેક્ટર તેની સાથે ફિલ્મ બનાવવા માંગતા હતા. છેલ્લા દિવસોમાં પણ તે ઘણી ફિલ્મોનો ભાગ હતી, પરંતુ તેના અકાળ અવસાનને કારણે આ ફિલ્મો અધૂરી રહી ગઈ હતી. આમાંથી કેટલીક ફિલ્મો એવી હતી જેનું શૂટિંગ અન્ય અભિનેત્રીઓએ પૂર્ણ કર્યું હતું. આવો એક નજર કરીએ દિવ્યા ભારતીની અધૂરી ફિલ્મો પર…

લાડલા : એવું કહેવાય છે કે દિવ્યા ભારતીએ 1993માં આવેલી ફિલ્મ લાડલાનું 80 ટકા શૂટિંગ પૂર્ણ કરી લીધું હતું, પરંતુ તેના ગયા બાદ શ્રીદેવી સાથે ફિલ્મનું ફરીથી શૂટિંગ કરવામાં આવ્યું હતું.

અંગરક્ષક : 1995માં આવેલી ફિલ્મ અંગરક્ષકમાં પણ દિવ્યા ભારતીને કાસ્ટ કરવામાં આવી હતી, પરંતુ તેના ગયા બાદ ફિલ્મમાં તેનું સ્થાન પૂજા ભટ્ટે લીધું હતું. આ ફિલ્મ સુપરહિટ સાબિત થઈ હતી.

વિજયપથ : આ ફિલ્મમાં દિવ્યા ભારતી અને અજય દેવગનની જોડી હતી. જ્યારે આ ફિલ્મ 1994માં રીલિઝ થઈ ત્યારે તેની જગ્યાએ અભિનેત્રી તબ્બુ જોવા મળી હતી.

આંદોલન : વર્ષ 1995માં આવેલી આ ફિલ્મ માટે દિવ્યા ભારતી પ્રથમ પસંદગી હતી, પરંતુ બાદમાં આ પાત્ર મમતા કુંકર્ણીએ ભજવ્યું હતું.

મોહરા : આ ફિલ્મમાં અક્ષય કુમારની સામે દિવ્યા ભારતીને પસંદ કરવામાં આવી હતી, પરંતુ બાદમાં આ ફિલ્મ રવિના ટંડનને મળી.