શિયાળામાં ખજૂર ખાવાથી થાય છે આટલા ફાયદા, એક દિવસમાં કેટલી ખાવી જોઇએ?

શિયાળામાં ખજૂર ખાવાથી શું સ્વાસ્થ્ય લાભ થાય છે અને દિવસમાં કેટલા ખજૂર ખાવા જોઇએ?

પ્રતિકાત્મક તસવીર

સ્વાસ્થ્યને લઈને થોડી બેદરકારી પણ શિયાળામાં તમને બીમાર કરી શકે છે. આ સીઝનમાં તમારી જાતને સ્વસ્થ અને ફિટ રાખવા માટે તમારા ડાયટમાં ખજૂરને સામેલ કરો. આ ડ્રાય ફ્રુટને વિન્ટર ડ્રાય ફ્રુટ કહેવામાં આવે છે કારણ કે તેમાં કાર્બોહાઈડ્રેટ્સ, પ્રોટીન, કેલ્શિયમ, પોટેશિયમ, આયર્ન, મેગ્નેશિયમ અને ફોસ્ફરસ જેવા પોષક તત્વો ભરપૂર માત્રામાં હોય છે. તેને ખાવાથી રક્ત પરિભ્રમણ વધે છે અને હૃદય અને મગજ પણ મજબૂત થાય છે. શિયાળામાં ખજૂર ખાવાથી શું સ્વાસ્થ્ય લાભ થાય છે અને દિવસમાં કેટલા ખજૂર ખાવા જોઇએ.

ખજૂર ખાવાથી પાચનતંત્ર સ્વસ્થ રહે છે કારણ કે તેમાં ફાયબર ભરપૂર માત્રામાં હોય છે અને તેમાં એમિનો એસિડ પણ જોવા મળે છે. ખજૂરમાં પોટેશિયમની માત્રા વધુ અને સોડિયમની માત્રા ઓછી હોવાને કારણે તે શરીરની નર્વસ સિસ્ટમ માટે ખૂબ જ ફાયદાકારક છે. ખજૂર શરીરમાં એલડીએલ કોલેસ્ટ્રોલના સ્તરને ઓછું રાખીને તમારા હૃદયના સ્વાસ્થ્યનું પણ રક્ષણ કરે છે.

ખજૂરમાં શરીરને એનર્જી આપવાની અદભૂત ક્ષમતા હોય છે. તેમાં ગ્લુકોઝ અને સુક્રોઝ જેવી નેચરલી સુગર ભરપૂર માત્રામાં હોય છે. જો તમે દૂધ સાથે ખજૂર લો છો તો તે તમારા માટે ખૂબ જ ફાયદાકારક રહેશે. ખજૂર ગર્ભવતી મહિલાઓને થતી અનેક સમસ્યાઓથી રાહત અપાવે છે. તે રક્તસ્રાવ ઘટાડે છે.

જો તમે વધતા વજનથી પરેશાન છો તો ખજૂર ખાઓ, કારણ કે તેમાં રહેલા તત્વો વજન વધારવામાં મદદરૂપ છે. આલ્કોહોલ પીવાથી શરીરને નુકસાન ન થાય તે માટે પણ તેનો ઉપયોગ કરવામાં આવે છે.

ખજૂરને રાત્રે પાણીમાં પલાળી રાખો અને સવારે ખાલી પેટ તેનું સેવન કરો. આને ખાલી પેટ ખાવાથી તમે દિવસભર ઉર્જાવાન અનુભવ કરશો. તમે દિવસમાં 3 થી 4 ખજૂર ખાઈ શકો છો.

Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. કોઈપણ સૂચનાને અમલમાં મૂકતા પહેલા તમારે સંબંધિત નિષ્ણાતની સલાહ લેવી જોઈએ.