ભારતના આ શહેરોની હવામાં હજુ પ્રદૂષણ ભળ્યું નથી, અહી લોકો દિલ્હી કરતા 17 ગણી સ્વચ્છ હવામાં શ્વાસ લઈ રહ્યા છે

CPCBએ આ સમયગાળા દરમિયાન દેશમાં સૌથી સ્વચ્છ હવા ધરાવતા શહેરોની યાદી શેર કરી છે. આ શહેરોનો AQI દિલ્હી કરતા 17 ગણો ઓછો છે, જે શ્વાસ લેવા માટે ખૂબ જ સારો છે.

દિલ્હી હાલ પ્રદૂષણનો સામનો કરી રહ્યું છે. દિલ્હીના લોકો ઝેરી હવામાં શ્વાસ લઈ રહ્યા છે અને ઝેરી પાણી પી રહ્યા છે. ઘણા વિસ્તારોમાં AQI 400 ની આસપાસ છે જે ખૂબ જ ગંભીર સ્થિતિ છે. પરંતુ CPCBએ આ સમયગાળા દરમિયાન દેશમાં સૌથી સ્વચ્છ હવા ધરાવતા શહેરોની યાદી શેર કરી છે.

દેશનું સૌથી સુરક્ષિત શહેર તમિલનાડુનું રામનાથપુરમ શહેર છે, જ્યાં સૌથી સ્વચ્છ હવા છે. આ શહેરનો AQI 28 ની આસપાસ છે.

ભારતમાં સૌથી સ્વચ્છ હવા ધરાવતું બીજું શહેર મેઘાલયનું શિલોંગ છે. આ શહેરનો AQI 32 છે. તાજી હવાની સાથે અહીં લીલોતરી પણ છે જે તેનું મુખ્ય કારણ છે.

ત્રીજું શહેર આસામનું નલબારી શહેર છે, જ્યાં હવાનો AQI 34 છે જે રાજધાની દિલ્હી કરતાં અનેક ગણો સારો છે.

ભારતમાં સૌથી સ્વચ્છ હવા ધરાવતું ચોથું શહેર કર્ણાટકનું મદિકેરી છે, આ શહેરની હવાનો AQI 35 છે.

ઓડિશાનું નયાગઢ પાંચમા સ્થાને છે, અહીંની હવાનો AQI 37 નોંધવામાં આવ્યો છે, જે રહેવા માટે સારા કરતાં પણ વધુ સારો વિકલ્પ છે.