તમારી આંગળીઓમાં આ લક્ષણો જોવા મળે તો સમજો લીવરને થયું છે નુકસાન!

Liver damage symptoms: લીવરની ગંભીર બીમારીઓ માત્ર પેટ કે ત્વચા જ નહીં, પણ તમારા નખ અને હથેળીઓમાં પણ જોવા મળે છે. સમયસર ઓળખીને સારવાર કરાવો.

Signs of liver disease on fingers: લીવર આપણા શરીરનું એક અત્યંત મહત્વપૂર્ણ અંગ છે, જે ઝેરી પદાર્થોને બહાર કાઢવાનું કાર્ય કરે છે. જો લીવરને નુકસાન થવા લાગે તો તેના લક્ષણો ફક્ત પેટ કે ત્વચા પૂરતા મર્યાદિત રહેતા નથી, પરંતુ તમારી આંગળીઓ અને નખમાં પણ તેના સંકેતો દેખાઈ શકે છે. નખનો રંગ બદલાવવો, આંગળીઓમાં સોજો, હથેળીઓમાં લાલાશ, નખમાં સફેદ રેખાઓ, વાંકા નખ અને નખ વાદળી કે જાંબલી થવા જેવા 6 સંકેતો લીવર રોગ તરફ ઈશારો કરી શકે છે, જેને અવગણવા ન જોઈએ.

1. નખ પીળા કે સફેદ થવા: જો તમારા નખનો રંગ સામાન્ય કરતાં વધુ પીળો અથવા સફેદ દેખાવા માંડે, તો તે લીવરની કાર્યક્ષમતામાં ઘટાડો થવાનો સંકેત હોઈ શકે છે. લીવરને નુકસાન થવાને કારણે શરીરમાં બિલીરૂબિન નામનું તત્વ વધવા લાગે છે. આ બિલીરૂબિનનું વધેલું સ્તર નખના રંગમાં પરિવર્તન લાવી શકે છે અને તેને પીળાશ પડતા અથવા સફેદ બનાવી શકે છે. આ લક્ષણ કમળો (Jaundice) સાથે પણ સંકળાયેલું છે.

2. આંગળીઓમાં સોજો અથવા જાડું થવું: લીવર ફેલ્યોર અથવા સિરોસિસ (Cirrhosis) જેવી ગંભીર સ્થિતિમાં, શરીરમાં પ્રવાહીનો સંગ્રહ થવા લાગે છે, જેને ફ્લુઈડ રીટેન્શન (Fluid Retention) કહેવાય છે. આના કારણે હાથમાં, ખાસ કરીને આંગળીઓમાં સોજો આવી શકે છે. જો તમારી આંગળીઓ ભારે, સોજેલી અથવા સામાન્ય કરતાં જાડી અનુભવાતી હોય, તો આ એક ચિંતાજનક સંકેત હોઈ શકે છે.