2000 Rupee Notes: 2000 રૂપિયાની નોટો બદલવામાં માત્ર 4 દિવસ બાકી છે, ફટાફટ જમા કરાવી દો નહીં તો.....

2000 Rupee Update: RBIએ કહ્યું હતું કે 2000 રૂપિયાની નોટ લીગલ ટેન્ડર રહેશે. પરંતુ એ સ્પષ્ટ નથી કે 30 સપ્ટેમ્બર પછી આ નોટો સ્વીકારવામાં આવશે કે નહીં.

પ્રતિકાત્મક તસવીર

2000 Rupee Notes: જો તમારી પાસે 2000 રૂપિયાની નોટો છે અને તમે હજુ સુધી આ નોટો બદલી નથી અથવા તમારા બેંક ખાતામાં જમા કરાવી નથી, તો તમારી પાસે હવે માત્ર 4 દિવસ બાકી છે. જો તમે 30 સપ્ટેમ્બર 2023 સુધીમાં 2000 રૂપિયાની નોટો બદલી કે જમા નહીં કરાવો તો તમારી સમસ્યાઓ વધી શકે છે. હજુ પણ 24,000 કરોડ રૂપિયાની 2000ની નોટો જે સામાન્ય લોકો પાસે પડી છે તે હજુ બેંકિંગ સિસ્ટમમાં પાછી આવવાની બાકી છે.

ભારતીય રિઝર્વ બેંકે 19 મે 2023ના રોજ 2000 રૂપિયાની નોટો પાછી ખેંચવાની જાહેરાત કરી હતી. RBI અનુસાર, 31 માર્ચ, 2023 સુધી, 2000ની કિંમતની 3.62 લાખ કરોડ રૂપિયાની નોટો ચલણમાં હતી, જે 19 મે, 2023ના રોજ ઘટીને 3.56 લાખ કરોડ રૂપિયા થઈ ગઈ.