Airport in India: એક જ વર્ષમાં 2,12,431 ફ્લાઈટ્સે ઉડાન ભરી, આ છે ભારતના પાંચ સૌથી વ્યસ્ત એરપોર્ટ

Busiest Airport: ભારત વિશ્વના સૌથી મોટા ઉડ્ડયન બજારોમાંનું એક છે. દર વર્ષે કરોડો લોકો ફ્લાઇટ દ્વારા દેશ અને વિદેશમાં મુસાફરી કરે છે.

પ્રતિકાત્મક તસવીર

Busiest Airport in India: ભારતીય ઉડ્ડયન ક્ષેત્ર ભારતમાં ઝડપથી વધી રહ્યું છે. આ સાથે જ હવાઈ મુસાફરી કરનારા લોકોની સંખ્યા પણ ઝડપથી વધી રહી છે. અમે તમને ભારતના 5 સૌથી વ્યસ્ત એરપોર્ટ વિશે માહિતી આપી રહ્યા છીએ. જાણો કયા એરપોર્ટનું નામ સૌથી ઉપર છે.

કોલકાતાનું નેતાજી સુભાષ ચંદ્ર બોઝ ઇન્ટરનેશનલ એરપોર્ટ એ ભારતનું 5મું સૌથી વ્યસ્ત એરપોર્ટ છે. સિમ્પલ ફ્લાઈંગ વેબસાઈટ અનુસાર, ગયા વર્ષે આ એરપોર્ટ પરથી કુલ 66,812 ફ્લાઈટ્સે ઉડાન ભરી હતી.

આ યાદીમાં હૈદરાબાદનું રાજીવ ગાંધી ઈન્ટરનેશનલ એરપોર્ટ ચોથા સ્થાને છે. ગયા વર્ષે આ એરપોર્ટ પરથી કુલ 79,024 ફ્લાઈટ્સ ઉડાન ભરી હતી.

બેંગ્લોર એરપોર્ટ એ ભારતનું ત્રીજું સૌથી વ્યસ્ત એરપોર્ટ છે. ગયા વર્ષે, આ એરપોર્ટ પરથી કુલ 111,010 ફ્લાઈટ્સ ઉડાન ભરી હતી.

મુંબઈનું છત્રપતિ શિવાજી ઈન્ટરનેશનલ એરપોર્ટ એ ભારતનું બીજું સૌથી વ્યસ્ત એરપોર્ટ છે. ગત વર્ષે અહીંથી કુલ 144,401 ફ્લાઈટ્સ ટેકઓફ થઈ હતી.

આ યાદીમાં દિલ્હીના એરપોર્ટ ઈન્દિરા ગાંધી ઈન્ટરનેશનલ એરપોર્ટનું નામ પ્રથમ નંબરે આવે છે. તે ભારતનું સૌથી વ્યસ્ત એરપોર્ટ છે જ્યાં ગયા વર્ષે કુલ 2,12,431 ફ્લાઈટ્સ ઉડાન ભરી હતી.