$10,000 ડોલરનો ટાર્ગેટ! સોનાના ભાવમાં આવશે મોટી સુનામી, ભારતીય બજારમાં શું થશે અસર?

gold price outlook: 2029 સુધીમાં સોનું $10,000 પ્રતિ ઔંસ થવાનો અંદાજ: એડ યાર્ડેનીના મતે ભારતીય બજારમાં ભાવ અઢી ગણા વધી શકે છે.

gold price outlook: શું તમે સોનામાં રોકાણ કરવાનું વિચારી રહ્યા છો? તો આ સમાચાર તમારા માટે છે. પ્રખ્યાત અમેરિકન અર્થશાસ્ત્રી યાર્ડેની રિસર્ચના પ્રમુખ એડ યાર્ડેનીએ ભવિષ્યવાણી કરી છે કે 2029 સુધીમાં સોનું $10,000 પ્રતિ ઔંસની સપાટી કૂદાવી શકે છે. જો આ ગણતરી સાચી પડે, તો ભારતીય બજારમાં સોનું ₹3 લાખને વટાવી શકે છે.

gold price outlook: હાલમાં સોનાના ભાવ આસમાને પહોંચ્યા છે, પરંતુ નિષ્ણાતોનું માનવું છે કે આ તો માત્ર શરૂઆત છે. આંતરરાષ્ટ્રીય બજારમાં સોનું હાલમાં $4,410 પ્રતિ ઔંસના સ્તરે ટ્રેડ થઈ રહ્યું છે. અમેરિકન અર્થશાસ્ત્રી અને બજારના દિગ્ગજ વ્યૂહરચનાકાર એડ યાર્ડેનીના મતે, આ દાયકાના અંત સુધીમાં પીળી ધાતુમાં પ્રચંડ ઉછાળો જોવા મળી શકે છે.

CNBC-TV18 ના અહેવાલ મુજબ, યાર્ડેની રિસર્ચના પ્રમુખ એડ યાર્ડેનીએ આગાહી કરી છે કે વર્ષ 2029 સુધીમાં સોનાનો ભાવ $10,000 પ્રતિ ઔંસ સુધી પહોંચી શકે છે. આ અનુમાન તેમના 'રોરિંગ 2020' (Roaring 2020s) વિઝનનો એક ભાગ છે. હાલમાં સોનાએ 22 December ના રોજ રેકોર્ડ હાઈ લેવલ બનાવ્યું હતું, જેનું મુખ્ય કારણ યુએસ ફેડરલ રિઝર્વ દ્વારા વ્યાજદરમાં ઘટાડાની શક્યતાઓ છે.