આ દિવસે ખુલી રહ્યો છે વર્ષનો પ્રથમ IPO, જાણો ગ્રે માર્કેટમાં કેટલું છે પ્રીમિયમ

Jyoti CNC Automation IPO: વર્ષના પ્રથમ IPOની શરૂઆતની તારીખ જાહેર કરવામાં આવી છે. જો તમે પણ તેમાં રોકાણ કરવાનું વિચારી રહ્યા છો, તો અમે તમને તેની વિગતો વિશે જણાવી રહ્યા છીએ.

પ્રતિકાત્મક તસવીર

Jyoti CNC Automation IPO: જો તમે 2024માં આઈપીઓમાં નાણાં રોકવાનું વિચારી રહ્યા છો, તો ગુજરાતની કંપની જ્યોતિ સીએનસી ઓટોમેશનનો રૂ. 1000 કરોડનો આઈપીઓ ટૂંક સમયમાં ખુલવા જઈ રહ્યો છે. આ વર્ષનો આ પહેલો IPO હશે. કંપનીએ આ પબ્લિક ઈશ્યુની તારીખથી લઈને કિંમત બેંક વગેરે તમામ બાબતોની માહિતી આપી છે. જો તમે પણ તેમાં રોકાણ કરવાનું વિચારી રહ્યા છો, તો અમે તમને તેની તમામ વિગતો વિશે જણાવી રહ્યા છીએ.

2024નો પ્રથમ IPO 9 જાન્યુઆરી, 2023ના રોજ ખુલશે. તમે આમાં 11 જાન્યુઆરી 2024 સુધી પૈસા રોકી શકો છો. કંપનીએ IPO શેરની પ્રાઇસ બેન્ડ રૂ. 315 થી રૂ. 331 પ્રતિ શેરની વચ્ચે નક્કી કરી છે. તેની લોટ સાઈઝ 45 શેર નક્કી કરવામાં આવી છે. આવી સ્થિતિમાં, રિટેલ રોકાણકારો ઓછામાં ઓછા 1 લોટ એટલે કે 45 શેર અને વધુમાં વધુ 13 લોટ એટલે કે 585 શેર પર બિડ કરી શકે છે. આવી સ્થિતિમાં, આ IPOમાં ઓછામાં ઓછા 14,895 રૂપિયા અને વધુમાં વધુ 1,93,635 રૂપિયાનું રોકાણ કરી શકાય છે. કંપનીએ ફેલ વેલ્યુ પ્રતિ શેર રૂ. 2 નક્કી કરી છે.