શોધખોળ કરો

સૂર્ય ઘર યોજનમાં સોલાર પેનલ લગાવવા માટે ઘરની છત કેટલી મોટી હોવી જરુરી ? જાણી લો નિયમ

Written By : gujarati.abplive.com | Updated at : 09 Oct 2025 07:03 PM (IST)

પ્રતિકાત્મક તસવીર

1/6

ભારત સરકાર દેશના લોકો માટે વિવિધ યોજનાઓ ચલાવે છે. આવી જ એક યોજના સૂર્ય ઘર યોજના છે. જેના હેઠળ લોકોને તેમના ઘરની છત પર સોલાર પેનલ લગાવવા માટે સબસિડી મળે છે. 2024 માં, ભારત સરકારે પીએમ સૂર્ય ઘર વીજળી યોજના શરૂ કરી. જે તેમના ઘરની છત પર સોલાર પેનલ લગાવવા ખર્ચ ઘટાડવા અને વીજળીના બિલમાં બચત કરવા માટે સરકારી સબસિડી પૂરી પાડે છે.

2/6

આ યોજના હેઠળ સોલાર પેનલ લગાવવા માટે પહેલા છતનું કદ સમજવું મહત્વપૂર્ણ છે. સામાન્ય રીતે, સરકારી માર્ગદર્શિકા અનુસાર 1 કિલોવોટના સોલાર પેનલ માટે ઓછામાં ઓછી 100 ચોરસ ફૂટ જગ્યાની જરૂર પડે છે. આનો અર્થ એ છે કે જેટલી મોટી વીજળીની જરૂર પડશે, તેટલી મોટી છત.

3/6

જો કોઈ પરિવાર પોતાના ઘરમાં 2 કિલોવોટની સોલાર સિસ્ટમ લગાવવા માંગે છ. તો તેમને લગભગ 200 ચોરસ ફૂટ ખાલી જગ્યાની જરૂર પડશે. છત પરના સોલાર પેનલને પૂરતો સૂર્યપ્રકાશ મળે તે જરૂરી છે.

4/6

આ યોજના હેઠળ, સરકારે દરેક પરિવારને તેમની જરૂરિયાતો અનુસાર સૌર સિસ્ટમ પસંદ કરવાની સ્વતંત્રતા આપી છે. જે લોકો વધુ વીજળી વાપરે છે તેઓ મોટા પેનલ લગાવી શકે છે, જ્યારે નાના પરિવારો નાની સિસ્ટમનો ઉપયોગ કરીને વ્યવસ્થા કરી શકે છે.

5/6

સૂર્ય ઘર યોજના માટે અરજી કરવા માટે નોંધણી જરૂરી છે. આ કરવા માટે, તમારે પહેલા સત્તાવાર વેબસાઇટ https://pmsuryaghar.gov.in/ ની મુલાકાત લેવી પડશે અને તમારી DISCOM (વીજળી વિતરણ કંપની) પસંદ કરવી પડશે. અરજી કર્યા પછી, એક ટેકનિકલ ટીમ સ્થળની મુલાકાત લે છે, છતની સાઈઝ માપે છે અને મંજૂરી આપે છે.

6/6

સરકાર આ યોજના હેઠળ સોલાર પેનલ પર સબસિડી પણ આપી રહી છે. આ લોકોના ખર્ચમાં નોંધપાત્ર ઘટાડો કરે છે. ઉદાહરણ તરીકે, 3 કિલોવોટ સુધીની સિસ્ટમોને 40 ટકા સુધીની સબસિડી મળી શકે છે. આનાથી સામાન્ય લોકો પણ સોલાર પેનલ લગાવવાનો સરળતાથી લાભ મેળવી શકે છે.