SBI Home Loan: હોમ લોનનો વ્યાજ દર તમારા ક્રેડિટ સ્કોર પર નક્કી થશે, SBI આપી રહી છે આ ખાસ સુવિધા

SBI Home Loan Interest Rate: SBIના વ્યાજ દરો ક્રેડિટ સ્કોર પ્રમાણે અલગ-અલગ હોય છે. 750 કે તેથી વધુનો ક્રેડિટ સ્કોર ધરાવતા ગ્રાહકો માટે નિયમિત હોમ લોનનો વ્યાજ દર 9.15% છે.

પ્રતિકાત્મક તસવીર

અન્ય બેંકોની જેમ, સ્ટેટ બેંક ઓફ ઈન્ડિયા (SBI) એ પણ તેના માર્જિનલ કોસ્ટ લેન્ડિંગ રેટ (MCLR)માં કોઈ ફેરફાર કર્યો નથી.

RBI પછી ICICI બેંક, યુનિયન બેંક, બેંક ઓફ બરોડા સહિત ઘણી બેંકોએ તેમના MCLRમાં કોઈ ફેરફાર કર્યો નથી.

આરબીઆઈએ એપ્રિલની નાણાકીય નીતિની બેઠકમાં રેપો રેટમાં કોઈ ફેરફાર કર્યો ન હતો. સ્ટેટ બેંક ઓફ ઈન્ડિયા (SBI) ના ઓવરનાઈટ MCLR (MCLR) 7.90% છે.

અને એક મહિનાનો MCLR 8.10% છે. છ મહિના માટે MCLR 8.40% અને એક વર્ષ માટે 8.50% છે. બે વર્ષ માટે MCLR 8.60% અને ત્રણ વર્ષ માટે 8.70% છે. SBIનો આ સમગ્ર દર 15 મે 2023થી લાગુ થશે.

SBIની વેબસાઈટ અનુસાર, 750 કે તેથી વધુનો ક્રેડિટ સ્કોર ધરાવતા ગ્રાહકો માટે નિયમિત હોમ લોનનો વ્યાજ દર 9.15% છે. 700-749 વચ્ચે CIBIL સ્કોર ધરાવતા ગ્રાહકો માટે વ્યાજ દર 9.35% છે.

CIBIL સ્કોર 650-699 વચ્ચે ધરાવતા ગ્રાહકો માટે હોમ લોનનો વ્યાજ દર 9.45% છે. SBI તરફથી આ તમામ દરો 1 મે 2023થી લાગુ થશે.

SBI બેન્ચમાર્ક પ્રાઇમ લેન્ડિંગ રેટ 14.15% થી વધારીને 14.85% કરવામાં આવ્યો છે. તે જ સમયે, SBIએ પણ બેઝ રેટ 9.40% થી વધારીને 10.10% કર્યો છે.