Bank Jobs 2025: પરીક્ષા વિના આ બેન્કમાં મેનેજર બનવાની તક, એક લાખથી પણ વધુ મળશે પગાર

SBI Recruitment 2025: SBI એ મેનેજર પદો પર ભરતી માટે અરજીઓ શરૂ કરી છે. ઉમેદવારો 2 ઓક્ટોબર 2025 સુધી કુલ 122 પદો માટે ઓનલાઈન અરજી કરી શકે છે.

પ્રતિકાત્મક તસવીર

SBI Recruitment 2025: SBI એ મેનેજર પદો પર ભરતી માટે અરજીઓ શરૂ કરી છે. ઉમેદવારો 2 ઓક્ટોબર 2025 સુધી કુલ 122 પદો માટે ઓનલાઈન અરજી કરી શકે છે. સ્ટેટ બેન્ક ઓફ ઈન્ડિયા (SBI) એ મેનેજર પદો પર ભરતી માટે અરજી પ્રક્રિયા શરૂ કરી છે. આ સરકારી નોકરી ખાસ કરીને એવા ઉમેદવારો માટે એક શ્રેષ્ઠ તક છે જેઓ બેન્કિંગ અને ફાઇનાન્સ ક્ષેત્રમાં કારકિર્દી બનાવવા માંગે છે.

SBIમાં મેનેજર પદ માટે અરજી પ્રક્રિયા 11 સપ્ટેમ્બર 2025 થી શરૂ થઈ ગઈ છે. રસ ધરાવતા અને લાયક ઉમેદવારો 2 ઓક્ટોબર 2025 સુધી સ્ટેટ બેન્ક ઓફ ઈન્ડિયાની સત્તાવાર વેબસાઇટ sbi.bank.in ની મુલાકાત લઈને ઓનલાઈન અરજી કરી શકે છે.

અરજી કરવા માટે ઉમેદવારે પહેલા વેબસાઇટ પર લોગિન અથવા નોંધણી કરાવવી પડશે. આ ભરતી ઝૂંબેશ હેઠળ કુલ 122 પદો પર ભરતી કરવામાં આવશે.

આ પદ માટે અરજી કરનારા ઉમેદવારો માન્ય યુનિવર્સિટીમાંથી સ્નાતક હોવા જોઈએ. આ ઉપરાંત ઉમેદવાર પાસે MBA (ફાઇનાન્સ), MMS (ફાઇનાન્સ), PGDBA, PGDBM, CFA, CA અથવા ICWA ની ડિગ્રી હોવી આવશ્યક છે.

આ ભરતીમાં, ઉમેદવારોને મિડલ મેનેજમેન્ટ ગ્રેડ સ્કેલ-III માં સમાવવામાં આવશે અને નિમણૂક પછી તેમને 85,920 થી 1,05,280 રૂપિયા માસિક પગાર મળશે. આ સાથે 6 મહિનાનો પ્રોબેશન પીરિયડ પણ રહેશે.

ઉપરાંત, કોર્પોરેટ ક્રેડિટ અથવા હાઇ વેલ્યુ ક્રેડિટમાં ઓછામાં ઓછો 3 વર્ષનો અનુભવ હોવો જોઈએ. ઉમેદવાર પાસે ક્રેડિટ મોનિટરિંગ, બેલેન્સ શીટ અને નાણાકીય વિશ્લેષણ જેવા ટેકનિકલ જ્ઞાનનો પણ અનુભવ હોવો જોઈએ.આ પછી ભરતી સૂચનામાં આપેલ ફોર્મ ભરવાના રહેશે અને જરૂરી દસ્તાવેજો અપલોડ કરવાના રહેશે. અરજી ફી તરીકે સામાન્ય અને OBC શ્રેણીના ઉમેદવારોએ 750 રૂપિયા જમા કરાવવાના રહેશે, જ્યારે SC/ST અને દિવ્યાંગ ઉમેદવારો માટે કોઈ ફી નથી.