વોટ્સએપે 2021માં લોન્ચ કર્યા આ ખાસ ફીચર્સ, સિક્યોરિટી અને એક્સપીરિયન્સની દ્રષ્ટિએ છે શાનદાર

પ્રતિકાત્મક તસવીર

હાલમાં સોશિયલ મીડિયા લોકોના જીવનનો એક મહત્વપૂર્ણ ભાગ બની ગયો છે. આમાં પણ લોકપ્રિય ચેટીંગ એપ વોટ્સએપ વગર તમે આજના તમારા જીવનની કલ્પના પણ કરી શકતા નથી. મિત્રો અને કુટુંબીજનો સાથે વાત કરવી હોય કે ઓફિસ ગ્રુપમાં અગત્યની માહિતી શેર કરવી હોય. આજના સમયમાં વોટ્સએપ કોમ્યુનિકેશનના એક મોટા માધ્યમ તરીકે ઉભરી આવ્યું છે. પરંતુ એવું નથી કે વોટ્સએપ એકમાત્ર ચેટિંગ પ્લેટફોર્મ છે. તેથી, તેની ઉપયોગીતા જાળવી રાખવા માટે, WhatsApp તેના વપરાશકર્તાઓને સતત નવીનતમ અપડેટ્સ આપતું રહે છે. ચાલો જોઈએ કે વોટ્સએપે આ વર્ષે લોન્ચ કરેલા કેટલાક ખાસ ફીચર્સ.

WhatsApp મલ્ટિપલ ડિવાઇસ સપોર્ટ વપરાશકર્તાઓને એકસાથે 4 ઉપકરણો પર એકાઉન્ટ્સમાં લૉગિન કરવાની મંજૂરી આપે છે. આ ફીચરની ખાસ વાત એ છે કે તમે પ્રાથમિક ઉપકરણને કનેક્ટ કર્યા વગર WhatsApp ચલાવી શકો છો. મતલબ કે તમારા સ્માર્ટફોનમાં ઇન્ટરનેટ ન હોવા છતાં પણ તમે તમારા લેપટોપ અથવા ડેસ્કટોપ પર WhatsApp ચલાવી શકો છો.