ટાટા ગ્રુપનો આ સ્ટોકમાં સતત લોઅર સર્કિટ લાગી રહી છે, 11 દિવસમાં 42 ટકા ઘટ્યો

ટાટા ગ્રુપની NBFC કંપની ટાટા ઈન્વેસ્ટમેન્ટ કોર્પોરેશનના શેરમાં સતત ઘટાડો જોવા મળી રહ્યો છે. છેલ્લા 11 દિવસમાં આ સ્ટોક 40 ટકાથી વધુ ઘટ્યો છે.

Tata Group Stocks: ટાટા ઈન્વેસ્ટમેન્ટ કોર્પોરેશનના શેર મંગળવારે 5 ટકાના નીચલા સર્કિટમાં બંધ થયા હતા. આ સતત 11મો દિવસ હતો જ્યારે શેર દબાણ હેઠળ હતો. ટ્રેડિંગ ડે દરમિયાન BSE પર શેર 5 ટકાના ઘટાડા સાથે રૂ. 5662.20 પર બંધ થયો હતો.

ટાટા ઇન્વેસ્ટમેન્ટ કોર્પોરેશનમાં આ વર્ષની શરૂઆતથી જબરદસ્ત વધારો જોવા મળ્યો હતો અને શેરે 7 માર્ચે શેર દીઠ રૂ. 9,744.40ની 52 સપ્તાહની ઊંચી સપાટી બનાવી હતી. આ દિવસે કંપનીનું માર્કેટ કેપિટલાઇઝેશન રૂ. 49,365 કરોડ હતું, જે ઘટીને રૂ. 28,648 કરોડ થયું છે. છેલ્લા એક મહિનામાં સ્ટોકમાં 20 ટકાનો ઘટાડો થયો છે.

સપ્ટેમ્બર 2025 સુધીમાં ટાટા ગ્રૂપની પેરન્ટ કંપની ટાટા સન્સના સંભવિત લિસ્ટિંગને કારણે ટાટા ઇન્વેસ્ટમેન્ટ્સમાં મજબૂત તેજી જોવા મળી હતી.