Money Transfer: શું તમે પણ ખોટા એકાઉન્ટમાં પૈસા ટ્રાન્સફર કરી દીધા છે? તો હવે આ રીતે રૂપિયા પરત મેળવો

પ્રતિકાત્મક તસવીર

Money Transferred in Wrong Account: આજકાલ ઓનલાઈન ટ્રાન્ઝેક્શન ખૂબ સામાન્ય છે, કરોડો લોકો દિવસભર ઓનલાઈન પ્લેટફોર્મ મારફતે પૈસાની લેવડદેવડ કરે છે, પરંતુ શું તમે પણ ભૂલથી કોઈ બીજાના ખાતામાં પૈસા ટ્રાન્સફર કરી દીધા છે.

જો આવું થયું હોય તો હવે તમારે જરાય ચિંતા કરવાની જરૂર નથી. એટલે કે, જો તમે ખોટા વ્યક્તિના ખાતામાં પૈસા ટ્રાન્સફર કર્યા છે, તો તમે સરળતાથી તમારા પૈસા પાછા મેળવી શકો છો.

જો તમે ખોટા બેંક ખાતામાં પૈસા ટ્રાન્સફર કર્યા છે, તો તમારે પહેલા આ વિશે બેંકને માહિતી આપવી પડશે. તમે આ વિશે મેઇલ અથવા ફોન દ્વારા માહિતી આપી શકો છો. આ સિવાય તમે બ્રાન્ચ મેનેજરને પણ મળી શકો છો.

ઉલ્લેખનીય છે કે તમે જે બેંકમાં પૈસા ટ્રાન્સફર કર્યા છે તે જ આ મામલાને ઉકેલી શકે છે, તો આ અંગે બંને બેંકોને જાણ કરવી જરૂરી છે.

તમારે ટ્રાન્ઝેક્શનની તારીખ, સમય અને એકાઉન્ટ નંબર સંબંધિત તમામ વિગતો આપવી પડશે. આ પછી તમારે તમારા ટ્રાન્ઝેક્શન સંબંધિત તમામ માહિતી બેંકને આપવી પડશે.

બેંકને જાણ કરવા સિવાય તમે જાતે એફઆઈઆર પણ નોંધાવી શકો છો. આવા મામલામાં રિસીવર ઘણી વખત પૈસા પરત કરવા માટે તૈયાર નથી, તો આ સ્થિતિમાં તમે પોલીસની મદદ પણ લઈ શકો છો. આ સિવાય તમે બેંકમાં ફરિયાદ નોંધાવીને કાયદેસરની કાર્યવાહી કરી શકો છો.

રિઝર્વ બેંકના નિર્દેશો અનુસાર, જો તમે આકસ્મિક રીતે બીજા ખાતામાં પૈસા ટ્રાન્સફર કરી દીધા હોય, તો ફરિયાદ કર્યાના 7 કાર્યકારી દિવસોમાં તમારા પૈસા પરત કરી શકાય છે. તમારે આવી બાબતોમાં વધુ સમય ન આપવો જોઈએ.

તમારે આ અંગે જલદી બેંકને જાણ કરવી પડશે. કેટલીકવાર બેંકને આવા મામલાઓનો નિકાલ કરવામાં 2 મહિના જેટલો સમય લાગે છે, તેથી તમારે વારંવાર ફોન કરીને અથવા જાતે બેંકની મુલાકાત લઈને આ વિશે અપડેટ મેળવવું પડશે.