ગોધરા નજીક ગોલ્લાવ પાસે ઇકો કાર અને ડમ્પર વચ્ચે ગમખ્વાર અકસ્માત: 5 ના મોત

Godhra Accident: પંચમહાલ જિલ્લાના ગોધરા તાલુકામાં આજે એક દુઃખદ ઘટના બની છે.

Godhra Accident: ગોલ્લાવ સીમલીયા રોડ પર એક ઇકો કાર અને ડમ્પર વચ્ચે ગંભીર અકસ્માત સર્જાયો હતો, જેમાં 5 વ્યક્તિઓના મૃત્યુ થયા છે અને બે વ્યક્તિઓને ગંભીર ઇજાઓ થઈ છે.

પ્રાથમિક માહિતી અનુસાર, ઇકો કાર અને ડમ્પર વચ્ચે સામસામે ટક્કર થતાં આ દુર્ઘટના સર્જાઈ હતી.

અકસ્માતની જાણ થતાં જ સ્થાનિક પોલીસ અને આરોગ્ય વિભાગની ટીમો ઘટનાસ્થળે પહોંચી હતી.

ઘટનામાં ગંભીર રીતે ઘવાયેલા બે વ્યક્તિઓને તાત્કાલિક સારવાર માટે ગોધરા સિવિલ હોસ્પિટલમાં ખસેડવામાં આવ્યા હતા.

પોલીસે ઘટનાસ્થળે પહોંચીને તપાસ શરૂ કરી છે અને અકસ્માતનું ચોક્કસ કારણ જાણવાનો પ્રયાસ કરી રહી છે.

મૃતકોની ઓળખ અને અન્ય વિગતો મેળવવાની કાર્યવાહી ચાલુ છે.