Gir Somnath Rain: ગીર પંથકમાં ૧૦ મિનિટના મીની વાવાઝોડાનો કહેર: અનેક વૃક્ષો ધરાશાયી, માર્ગ વ્યવહાર ખોરવાયો

Rain Alert: ગીર સોમનાથ જિલ્લાના ગીર નજીકના ગામોમાં અચાનક ત્રાટકેલા વાવાઝોડાએ ભારે તારાજી સર્જી.

Weather Alert: પ્રાચી ઘાંટવડ રોડ સહિત ગાંગેથા ગામ નજીક વૃક્ષો પડતાં વાહનવ્યવહાર ઠપ્પ, જનજીવન પ્રભાવિત.

ગીર સોમનાથ જિલ્લાના ગીર નજીકના ગ્રામ્ય વિસ્તારોમાં આજે અચાનક વાતાવરણમાં પલટો આવ્યો હતો. માત્ર ૧૦ મિનિટ માટે ફૂંકાયેલા ભારે પવન સાથેના મીની વાવાઝોડાએ ઠેર ઠેર તારાજી સર્જી હોવાના અહેવાલ છે.

આ ટૂંકા સમયગાળામાં જ વાવાઝોડાની તીવ્રતા એટલી હતી કે તેના કારણે અનેક મજબૂત વૃક્ષો પણ મૂળમાંથી ઉખડીને જમીનદોસ્ત થઈ ગયા હતા.