Kutch Rain: કચ્છના અંજારમાં ધોધમાર વરસાદ, રસ્તા પર નદી વહેતી હોય તેવા દ્રશ્યો

Kutch Rain: કચ્છના અંજારમાં ધોધમાર વરસાદ, રસ્તા પર નદી વહેતી હોય તેવા દ્રશ્યો

અંજારમાં ભારે વરસાદ

ભુજ: હવામાન વિભાગની વરસાદની આગાહી વચ્ચે કચ્છ જિલ્લામાં મેઘરાજાએ ધમાકેદાર બેટિંગ કરી છે. બપોર બાદ કચ્છ જિલ્લાના અનેક તાલુકાઓમાં વરસાદનો રાઉન્ડ શરુ થયો હતો. પ્રથમ ચોમાસે અંજાર પાણી પાણી થયું છે.

કચ્છના અંજારમાં મેઘરાજાએ ધમાકેદાર બેટિંગ કરી હતી. માત્ર બે કલાક વરસેલા વરસાદે અંજારને પાણી પાણી કર્યું. અંજારમાં સવા બે ઇંચ ધોધમાર ખાબકતા અંજારની બજારોમાં પાણી વહેતા થયા હતા.

અંજારની બજારોમાં નદી જેવા દ્રશ્યો જોવા મળ્યા હતા. અંજારની ખત્રી બઝારમાં પણ પાણી ફરી વળ્યા છે.

કચ્છમાં ધોધમાર વરસાદ વરસ્યો છે. અંજારના માર્કેટમાં કચ્છની કેસર કેરી ઉપર પાણી ફરી વળ્યું હતું. અંજારમાં ભારે વરસાદના કારણે માર્કેટમાં પાણી ભરાઈ જતા કેરીના બોક્સ પલળી ગયા હતા.

ખેડૂતો અને વેપારીઓને મોટી નુકશાની સહન કરવાનો વારો આવ્યો છે. અંજારમાં સાંજે 6 વાગ્યા સુધીમાં સવા બે ઇંચ વરસાદ ખાબક્યો હતો. વરસાદના કારણે અનેક વિસ્તારોમાં પાણી ભરાયા હતા.

image 3