Panchmahal Rain: હાલોલમાં ભારે પવન સાથે ધોધમાર વરસાદ, રસ્તાઓ થયા પાણી-પાણી

Panchmahal Rain: હાલોલમાં ભારે પવન સાથે ધોધમાર વરસાદ, રસ્તાઓ થયા પાણી-પાણી

હાલોલમાં વરસાદ

પંચમહાલ: હવામાન વિભાગની ભારે વરસાદની આગાહી વચ્ચે પંચમહાલ જિલ્લામાં બપોર બાદ વરસાદી માહોલ જામ્યો છે. સમગ્ર પંચમહાલ જિલ્લામાં વરસાદ વરસી રહ્યો છે. બપોરે બાદ ભારે પવન સાથે અનેક વિસ્તારોમાં વરસાદ તૂટી પડતા નીચાણવાળા વિસ્તારો જગમગ્ન થયા છે.

જિલ્લાના હાલોલ ગોધરા શહેર અને આસપાસના વિસ્તારોમાં ભારે પવન સાથે ધોધમાર વરસાદ વરસ્યો છે. હાલોલ શહેરમાં ધોધમાર વરસાદને લઈને બસ સ્ટેન્ડ અને નિચાણવાળા વિસ્તારોમાં પાણી ભરાઈ ગયા છે.

હાલોલ શહેરના મુખ્ય માર્ગો ભારે વરસાદાને કારણે પાણી પાણી થયા છે. હાલોલ જ્યોતિ સર્કલથી હાલોલ બસ સ્ટેન્ડ મુખ્ય માર્ગ ઉપર વરસાદી પાણી ફરી વળ્યા છે. આ કારણે લોકોને મુશ્કેલીનો સામનો કરવો પડી રહ્યો છે.

મુખ્ય માર્ગ ઉપર વરસાદી પાણી ફરી વળતા માર્ગ બંધ કરાયો છે. હાલોલ શહેરના મુખ્ય માર્ગો પર ઘૂંટણસમાં પાણી ભરાતા નાના મોટા વાહનચાલકોને મુશ્કેલી પડી રહી છે.

હવામાન વિભાગ દ્વારા આજે પંચમહાલ જિલ્લામાં વરસાદને લઈ આગાહી કરવામાં આવી હતી. હવામાન વિભાગે પંચમહાલ અને છોટાઉદેપુરમાં વરસાદને લઈ આગાહી કરી હતી.