PDPU સર્કલ પાસે આવેલ Hocco ની હોટલના ખાવામાં ગરોળી કે ઉંદરની લીંડી નીકળી

ગાંધીનગરઃ ગાંધીનગરના PDPU સર્કલ પાસે આવેલી Hocco હોટેલમાં એક ગ્રાહકના ભોજનમાં કથિત રીતે ગરોળી અથવા ઉંદરની લીંડી મળી આવ્યાનો વિડિયો સોશિયલ મીડિયા પર વાયરલ થયો છે.

આ ઘટનાએ સ્થાનિક રહેવાસીઓ અને ફૂડ સેફ્ટી અધિકારીઓનું ધ્યાન ખેંચ્યું છે.

વિડિયોમાં દેખાય છે કે ગ્રાહકે મંગાવેલા પુલાવમાં કોઈક અશુદ્ધિ મળી આવી હતી, જેને ગ્રાહક ગરોળી અથવા ઉંદરની લીંડી હોવાનું માને છે. ગ્રાહકે તરત જ હોટેલ સ્ટાફને ફરિયાદ કરી હતી.

સૂત્રોના જણાવ્યા અનુસાર, ફરિયાદ બાદ હોટેલના માલિકે ગ્રાહક પાસે માફી માંગી હતી અને તેમને મફત ભોજન આપવાની ઓફર કરી હતી.

જોકે, ગ્રાહકે આ ઓફર સ્વીકારવાને બદલે આ ઘટનાનો વિડિયો સોશિયલ મીડિયા પર શેર કરવાનું પસંદ કર્યું.

ગ્રાહકે જણાવ્યું કે, "મેં આ વિડિયો ફૂડ સેફ્ટી વિભાગ અને જાહેર જનતાની જાગૃતિ માટે શેર કર્યો છે. આવી ઘટનાઓ ન બને તે માટે સતત નિરીક્ષણ અને કડક પગલાં જરૂરી છે."

જોકે આ પહેલી ઘટના નથી આ પહેલા પણ ભોજનમાંથી વંદો, ઇયળ અને ગરોળી જેવી વસ્તુઓ નીકળી છે.