18 વર્ષથી નાની ઉંમરની પત્ની સાથે સહમતિથી શારીરિક સંબંધ પણ બળાત્કાર ગણાશે, બોમ્બે હાઈકોર્ટનો મહત્વનો નિર્ણય
બોમ્બે હાઈકોર્ટની નાગપુર બેંચે હાલમાં જ એક મહત્વપૂર્ણ ચૂકાદો સંભળાવ્યો છે, જેમાં કહ્યું છે કે 18 વર્ષથી નાની ઉંમરની પત્ની સાથે સહમતિથી શારીરિક સંબંધ બાંધવાને બળાત્કાર સમાન ગણવામાં આવશે.
બોમ્બે હાઈકોર્ટની નાગપુર બેંચે હાલમાં જ એક મહત્વપૂર્ણ ચૂકાદો સંભળાવ્યો છે, જેમાં કહ્યું છે કે 18 વર્ષથી નાની ઉંમરની પત્ની સાથે સહમતિથી શારીરિક સંબંધ બાંધવાને બળાત્કાર સમાન ગણવામાં આવશે. કોર્ટે આ કેસમાં ટ્રાયલ કોર્ટના આદેશને યથાવત રાખ્યો હતો અને આરોપીને 10 વર્ષની સખત સજા ફટકારી હતી. કોર્ટે ભારતીય દંડ સંહિતા (IPC) હેઠળ વૈવાહિક બળાત્કારના અપવાદોને ફગાવી દેતા કહ્યું કે "18 વર્ષથી ઓછી ઉંમરની છોકરી સાથે શારીરિક સંબંધ બળાત્કાર છે, પછી ભલે તે પરિણીત હોય કે ન હોય."
આ કેસ 2019નો છે, જેમાં એક સગીર છોકરીનું યૌન ઉત્પીડન થયું હતું. યુવતી અને આરોપી વચ્ચે ત્રણથી ચાર વર્ષ જૂનો સંબંધ હતો, જેમાં યુવતીએ આરોપીના પ્રસ્તાવને વારંવાર ફગાવી દીધા હતા. આર્થિક તંગીનો સામનો કરી રહેલી યુવતીને કામની શોધમાં બીજા શહેરમાં જવું પડ્યું હતું, જ્યાં આરોપી તેની પાછળ આવ્યો હતો અને તેને કામ પર આવવા-જવા માટે લિફ્ટ ઓફર કરી હતી. આ દરમિયાન આરોપીએ યુવતીનો વિશ્વાસ જીતી લીધો હતો અને લગ્નના ખોટા વાયદા હેઠળ શારીરિક સંબંધ બાંધવા દબાણ કર્યું હતું.
યુવતી ગર્ભવતી બની અને આરોપીએ ઉતાવળમાં કાચા રૂમમાં કોઈ પણ પ્રકારની કાયદેસર માન્યતા વગર લગ્નની વિધિ કરાવી. છોકરીએ તેને એક ધૂર્ત ગણાવ્યું, અને આરોપીએ પાછળથી તેના પર ગર્ભપાત માટે દબાણ કર્યું, બાળકની જવાબદારી નકારી અને તેના પર બેવફાઈનો આરોપ મૂક્યો. આ પછી યુવતીએ આ બાબતની જાણ વર્ધા પોલીસને કરી, જેના કારણે આરોપી વિરુદ્ધ કાર્યવાહી શરૂ કરવામાં આવી હતી.
કોર્ટનો નિર્ણય અને સમાજમાં સંદેશ
કોર્ટે પોતાના નિર્ણયમાં કહ્યું છે કે લગ્ન હોવા છતાં જો છોકરીની ઉંમર 18 વર્ષથી ઓછી હોય તો તેની સાથે શારીરિક સંબંધ બાંધવાને કાયદાકીય બળાત્કાર ગણવામાં આવશે. આ નિર્ણય એવા તમામ મામલાઓ માટે એક મહત્વપૂર્ણ સંદેશ છે જ્યાં બળજબરી અથવા છેતરપિંડી દ્વારા સગીરો સાથે જાતીય સંબંધો બનાવવામાં આવે છે. જસ્ટિસ ગોવિંદા સાનપે એમ પણ કહ્યું કે આ નિર્ણયે ઈન્ડિપેન્ડન્ટ થોટ વિ યુનિયન ઑફ ઈન્ડિયા કેસમાં સુપ્રીમ કોર્ટના સિદ્ધાંતને પણ મજબૂત બનાવ્યો છે, જેમાં સગીરો સાથેના સેક્સને બળાત્કાર ગણવામાં આવ્યો હતો.
આ ચુકાદો મહિલાઓના અધિકારોના સંદર્ભમાં એક મહત્વપૂર્ણ પગલું છે, જે સુનિશ્ચિત કરે છે કે સગીરો સામે કોઈપણ પ્રકારની જાતીય હિંસા, ભલે તે વૈવાહિક સંબંધોમાં થતી હોય, સખત પ્રતિબંધિત છે.
Odisha Raid: ભારતના ઈતિહાસની સૌથી મોટી IT રેડ,ટ્રકમાં ભરવામાં આવ્યા પૈસા...જાણો શું શું મળ્યું
ટ્રેન્ડિંગ સમાચાર
ટોપ સ્ટોરી
