Rain Alert: રાજ્ય પરથી હજુ ખતરો ટળ્યો નથી, ત્રણ સિસ્ટમ સક્રિય છે, આ વિસ્તારમાં તૂટી પડશે વરસાદ

Gujarat Rain Alert: ગુજરાત રાજ્યમાં આજે ત્રણ મોસમી સિસ્ટમ સક્રિય થતાં ભારે વરસાદની સ્થિતિ સર્જાઈ છે.

Gujarat Weather Forecast: હવામાન વિભાગે જણાવ્યા અનુસાર, ડીપ ડિપ્રેશન, ઓફશોર ટ્રફ અને મોનસૂન ટ્રફના કારણે સૌરાષ્ટ્રના કેટલાક જિલ્લાઓ અને કચ્છ વિસ્તારમાં રેડ અલર્ટ જાહેર કરવામાં આવ્યું છે.

Rain Alert: આજે કચ્છ, મોરબી, જામનગર, દેવભૂમિ દ્વારકા, પોરબંદર, જુનાગઢ અને રાજકોટમાં અત્યંત ભારે વરસાદની આગાહી સાથે રેડ અલર્ટ જાહેર કરાયું છે.

ગીર સોમનાથમાં ઓરેન્જ અલર્ટ જ્યારે સુરેન્દ્રનગર, બોટાદ, અમરેલી અને ભાવનગરમાં યલો અલર્ટ આપવામાં આવ્યું છે.

હવામાન વિભાગના અનુમાન મુજબ, 30 ઓગસ્ટથી વરસાદનું જોર ઘટવાની શક્યતા છે.

30 ઓગસ્ટે કચ્છ, દેવભૂમિ દ્વારકા, જામનગર અને મોરબીમાં ઓરેન્જ એલર્ટ જાહેર કરાયું છે, જ્યારે પોરબંદર, રાજકોટ અને જૂનાગઢમાં યલો અલર્ટ રહેશે.

31 ઓગસ્ટે કચ્છ, દ્વારકા, જામનગર, પોરબંદર, નવસારી, વલસાડ, દમણ અને દાદરા નગર હવેલીમાં યલો એલર્ટ જાહેર કરવામાં આવ્યું છે.

માછીમારોને આગામી ત્રણ દિવસ સુધી દરિયો ન ખેડવાની સૂચના આપવામાં આવી છે. અમદાવાદમાં હળવા વરસાદની આગાહી કરવામાં આવી છે.