Earth GK: અહીં છે ધરતીનો સૌથી સુકોભઠ પ્રદેશ, 10 લાખ વર્ષોથી નથી પડ્યો વરસાદ, જાણો છો તમે ?

મેકમર્ડો ડ્રાય વેલી પૃથ્વી પરનો સૌથી સૂકો ભઠ્ઠ વિસ્તાર માનવામાં આવે છે

(તસવીર- સોશ્યલ મીડિયા પરથી)

Earth General Knowledge: વરસાદ દરેક માટે ખૂબ જ જરૂરી છે, પરંતુ શું તમે પૃથ્વી પર એવી જગ્યા વિશે જાણો છો જ્યાં 10 લાખ વર્ષથી વરસાદ નથી પડ્યો. જેના કારણે વૈજ્ઞાનિકો આ સ્થાનની તુલના મંગળ સાથે કરે છે.

કહેવાય છે કે જ્યાં પાણી છે ત્યાં જીવન છે, પરંતુ કેટલીક જગ્યાઓ એવી છે જ્યાં પાણી જ નથી. જેનું કારણ એવું કહેવાય છે કે 10 લાખ વર્ષથી ત્યાં વરસાદ નથી પડ્યો.

આ જગ્યાનું નામ મેકમર્ડો ડ્રાય વેલી છે. જે એન્ટાર્કટિકામાં આવેલું છે, જેને દુનિયાનું સૌથી ખતરનાક સ્થળ માનવામાં આવે છે.

મેકમર્ડો ડ્રાય વેલી પૃથ્વી પરનો સૌથી સૂકો ભઠ્ઠ વિસ્તાર માનવામાં આવે છે. વૈજ્ઞાનિકોના મતે આ વિસ્તારમાં 10 લાખ વર્ષોથી વરસાદ પડ્યો નથી.

જો કે, વરસાદ ના પડવા છતાં પણ અહીં કેટલાક બેક્ટેરિયા જીવતા મળી આવ્યા છે, જેનાથી વૈજ્ઞાનિકો પણ આશ્ચર્યચકિત થઈ ગયા છે.

કહેવાય છે કે અહીં 320 કિલોમીટર પ્રતિ કલાકની ઝડપે તોફાની પવન ફૂંકાય છે. જેમાં કોઈનું પણ જીવવું અશક્ય માનવામાં આવે છે. વરસાદના અભાવને કારણે અહીંની સ્થિતિ મંગળ જેવી છે, તેથી આ સ્થળ વૈજ્ઞાનિકોને સંશોધન માટે આકર્ષે છે.